Pas katër ditë protestë dhe raportimit live në Report Tv, që vërtetoi mungesën e rrugës alternative për të dërguar fëmijët në shkollë, ARRSH u tërhoq. Kohën kur Report Tv ishte live me banorët dha lajmin për kthimin në gjendjen e mëparshme të rrugës së Rinasit.
Tashmë kjo rrugë do të jetë me dy sense lëvizjeje deri në një zgjidhje përfundimtare me qëllim lehtësimin e trafikut në segmentin Qafë Kashar-Rrethrrotullimi i Rinasit-Ahmetaq.
Banorët fillimisht u treguan skeptikë, duke e mos e besuar lajmin, por i bindi më pas fluksi i makinave që vinin nga sensi i ndaluar.
Të rritur dhe fëmijë as e kishin menduar që do të merrnin zgjidhje, ndërsa nuk munguan duartrokitjet e falënderimet për mediat që pasqyruan problematikën e tyre.
Report TV për 40 minuta përshkroi mëngjesin e sotëm rrugën që duhet të ndiqnin fëmijët, alternativë e sugjeruar nga ARRSH, e njohur si 'Ura e Brrakës', ku duhej të kalonin mes rrezikut të fluksit të makinave, 200 metra në këmbë kundravajtje dhe pa trotuar.
Tashmë për ta gjithçka është kthyer në normalitet dhe u futën në mësim menjëherë pas zgjidhjes së problematikës.
Ministrja e Energjisë, Belinda Balluku tha sot se në muajin korrik do të jetë gati rruga e re që lidh Kthesën e Kasharit me Aeroportin Ndërkombëtar të Rinasit, aks që do të lehtësojë fluksin e automjeteve.
Pas protestës së banorëve të Rinasit për hapjen me dy sense të rrugës, ministrja Balluku pa nga afër situatën, teksa prezantoi edhe ndërhyrjen që do të realizohet për t’i dhënë zgjidhje trafikut në këtë segment.
Ajo u shpreh se ARRSH ka nisur procedurën për ndërtimin e aksit të ri Kthesa e Kasharit-Fshati Ahmetaq-Rinas dhe bëri të ditur se brenda muajit korrik do të jetë gati.
Ministrja apeloi të gjithë drejtuesit e mjeteve që udhëtojnë drejt Veriut të aksesojnë dy daljet e tjera atë të tunelit të Kamzës ose atë të Vorës, për t’u lidhur me rrugën e Kombit apo atë të Shkodrës, pasi sipas saj rritja e fluksit të fluturimeve ka shtuar trafikun në këtë aks duke u edhe pengesë për kapjen e orareve të fluturimeve nga ana e pasagjerëve.
Fëmijët e shkollës ‘Rexhë Deliu’ janë kthyer tashmë në shkollë pas rikthimit të rrugës me dy sense të lëvizjes. Ato falenderuan mediat, ndrësa u shprehën se fshati e kishte të nevojshme këtë rrugë.
‘U gëzuam tani se fëmijët i çojmë shumë qetësisht. Se na i patën prerë krahët. Faleminderit edhe për mediat shumë. Për ne është një fitore e nevojshme, e kishte të nevojshme fshati këtë rrugë’- u shprehën banorët.
ARRSH e konfirmon edhe zyrtarisht që do të kthehet në gjendjen e mëparshme Rruga e Rinasit.
“Kthehet në gjendjen e mëparshme Rruga e Rinasit, qarkullimi do të vijojë me dy sense lëvizjeje deri në një zgjidhje përfundimtare me qëllim lehtësimin e trafikut në segmentin Qafë Kashar-Rrethrrotullimi i Rinasit-Ahmetaq. Apel ynë për të gjithë drejtuesit e mjeteve që vijnë nga veriu të përdorin akset alternative për të mos rënduar trafikun në rrugën që të çon drejt aeroportit të Rinasit. Udhëtarët që marrin fluturimet të marrin në konsideratë fluksin e lartë të mjeteve në këtë aks duke përllogaritur orarin e nisjes”, thuhet në njoftim.
Hapja e rrugës së Rinasit, ku tashmë po lëvizet me dy sense, është pritur me duartrokitje nga banorët të cilët u ngritën në protestë për të katërtën ditë me radhë.
Drejtoresha e shkollës e 'Rexhë Deliu' në Rinas ka bërë thirrje për hapjen e rrugës me dy sense, siç ka qenë, duke theksuar se janë 115 nxënës që e kanë të pamundur të shkojnë në mësim.
"Është e pamundur për fëmijët të vijnë në shkollë. janë 95 nxënës të arsimit të mesëm të ulët dhe 20 në kopsht, vetëm 8 erdhën sot dhe 2 në kopsht. Jam në krah të banorëve të Rinasit. Jam me komunitetin sepse po kërkojnë një të drejtë jetike. I bëj thirrje qeverisë të hapi rrugën sepse ndryshe kjo shkollë e ka të pamundur të jetë funksionale", tha drejtoresha.
Rruga e Rinasit do të hapet me dy kalime, bëjnë me dije burime për Report Tv. Vendimi është marrë ditën e sotme, ndërsa po studiohet mundësia e hapjes së një rruge të re për të çuar në aeroportin ‘Nënë Tereza’. Të njëjtat burime bëjnë me dije se janë hequr pengesat që të fusin nga Ahmetaqi në Rinas dhe mund të futen makinat.
Komente
Lajme të tjera
-
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55 -
Stadiumi i ri 'Selman Stërmasi', në janar pritet prezantimi i projektit! Korporata Investimeve Shqiptare: Transformim për Tiranën
25 Dhjetor, 12:11 -
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17 -
Sondazhi i Report Tv/ PS fiton Tiranën me 18 mandate, PD 11! 8 deputetë nga partitë e reja! Në Durrës socialistët fitore të thellë, marrin dhe Dibrën e Lezhën! Garë e fortë në Shkodër
25 Dhjetor, 07:51 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59
gjithmone punet me byth i kemi bere...Zot na ruaj nga keta hantikapate min & dr !!!
PërgjigjuAh te lumt goja, vetem ne shqiperi ndodhin keto gjera. I mbyll rrugen nje populli se koncesionari i aeroportit e ka ndertuar per aeroportin. Ah moj e mjera shqiperi sa mbrapa qe je
Qeveri muti kta duhet fshir nga faqja e dheut se vetem veprime kunder popullit bejne
PërgjigjuNe cdo vend demokratik, e drejta fitohet vetëm me protesta.
Përgjigju