Rrumballaku pret ambasadorin e OSBE, në fokus roli i efektivëve të policisë në mbarëvajtjen e zgjedhjeve vendore

Rrumballaku pret ambasadorin e OSBE, në fokus roli i efektivëve të policisë në mbarëvajtjen e zgjedhjeve vendore

Drejtori i Përgjithshëm i Policisë së Shtetit Muhamet Rrumbullaku priti paraditen e sotme ambasadorin e ri të OSBE-së në Shqipëri, Guido de Sanctis. Në këtë takim u vlerësua bashkëpunimi e deritanishëm midis Policisë së Shtetit dhe OSBE-së, si dhe u hodhën baza të qenësishme mbi objektivat e përbashkëta të së ardhmes.

Drejtori i Përgjithshëm i Policisë së Shtetit uroi ambasadorin për detyrën dhe nëpërmjet tij, shprehu mirënjohje për përfaqësuesit e OSBE-së në Shqipëri, për kontributin e dhënë për punonjësit e Policisë së Shtetit, përmes trajnimeve dhe asistencës logjistike, për aspekte të tilla si: trafiqet e paligjshme, krimet kufitare dhe krimi kibernetik.

Takimi vuri theksin mbi 2 elemente të rëndësishme për funksionimin e shtetit ligjor gjatë periudhës specifike të zhvillimit të zgjedhjeve bashkiake të këtij viti, që është roli i punonjësve të Policisë së Shtetit, në mbarëvajtjen e këtij procesi, si dhe asistenca teknike që do të ofrohet nga OSBE-ja, me qëllim që detyrat funksionale të punonjësve të Policisë, në këtë fushë, të përmbushen me efikasitet dhe ligjshmëri të plotë.

Ambasadori i OSBE-së në Shqipëri shprehu gatishmërinë e plotë për të bashkëpunuar me Policinë e Shtetit, me qëllim përmbushjen e standardeve europiane të sundimit të ligjit, organizimit të zgjedhjeve në vend dhe të respektimit të të drejtave e lirive të njeriut.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

2 ‘kryetarë’ në burg, Këshilli Bashkiak i Himarës komandon Blerina Balajn si kryebashkiake

2 ‘kryetarë’ në burg, Këshilli Bashkiak i Himarës komandon Blerina Balajn si kryebashkiake