POP 5

Lajmet më të lexuara të 5 minutave të fundit

Politikë

Rubrika e re e Ramës/ Kryeministri ngre 'siparin' me kritikun e tij më të ashpër: Genc, pak logjikë mik i dashur

Në rubrikën e re të Ramës, kryeministri ka vendosur t’ju kthejë përgjigje komentuesve dhe ia ka nisur andej nga askush s’do e priste! Nga kritiku i tij më i fortë në “politikën e rrjeteve sociale”.
Rubrika e re e Ramës/ Kryeministri ngre 'siparin' me kritikun e tij më të ashpër: Genc, pak logjikë mik i dashur

Kryeministri Edi Rama, ka lançuar sot në Facebook, një rubrikë të re “Përgjigjia ime”. Në rubrikën e re të Ramës, kryeministri ka vendosur t’ju kthejë përgjigje disa prej komentuesve të cilët ndajnë me Kryeministrin problematika dhe akuza për mënyrën sesi Rama po e qeveris vendin.

Dhe ia ka nisur andej nga askush s’do e priste! Nga personazhi i njohur i rrjeteve sociale, Genc Sejko. Sejko, i famshëm për krijimin e Meme-ve, ku si personazh kryesor është Rama, i ka komentuar kryeministrit pas vizitës që ky i fundit zhvilloi në familjen e Hysenit, ku pa nga afër gjendjen ekonomike.

Sejko, pavarësisht se nuk është anëtar i Partisë Demokratike, për shumë nga ata që e njohin është një nga kritikët më të fortë të qeverisë Rama, në “politikën e rrjeteve sociale”.

“Mjerë ata që të falenderojnë dhe nuk dinë se ti je përgjegjës direkt për gjendjen e tyre. Ke 5 vjet në pushtet, çfarë ke bërë për të luftuar skamjen? Asgjë! Për ti treguar se po bën shtet, shtëpive që po rrënohen nga varfëria ke shkuar e i ke ngulur sahatin e dritave. Më pas i hoqe ndihmën sociale dhe lekët e kursyera ja shpërndave oligarkëve të tu.Dikujt tjetër do ti vinte turp por ty nuk të bën përshtypje. Ti bën shoë dhe me mjerimin. Je kryeministër i vendit, nuk je "Fundjava Ndryshe".”-shkruan Sejko.

Komenti i Genc Sejkos

Por Rama ka zgjedhur t’i përgjigjet. Duke e cilësuar si “mik i dashur”, kryeministri thotë se reforma e qeverisë ka ndihmuar më shumë familje të varfra.

“Përshëndetje Genc!

Nëse unë do të isha përgjegjës për gjendjen e tyre do të ishte shumë e thjeshtë por fatkeqësisht kjo është ti biesh me sëpatë fijes së logjikës më elementare.Nuk ka asnjë fakt, asnjë shifër, asnjë provë që të tregojë se në një fushë Shqipëria është më keq seç ishte 5 vjet më parë, përkundrazi.Natyrisht ka njerëz si Hyseni dhe familja e tij apo dhe të tjerë që nuk janë më mirë se 5 vjet më parë por njësoj. Aty ku sëpata juaj e këput fillin e logjikës është kur thua se këtë gjendje e solli sahati i dritave. Jo i dashur. Këtë gjendje e kishte krijuar mungesa e sahatit, mungesa e shtetit për të gjithë dhe e rregullave për të gjithë. Ka më pak varfëri aty ku ka shtet dhe më shumë rregull. Ti gënjen pa dashje kur thua se unë u hoqa ndihmën sociale familjeve si Hysenit se në fakt krejt e kundërta ëhstë e vërtetë. Mësoje që falë reformës sime janë sot më shumë se 10 mijë familje të varfra e morën ndihmën për herë të parë dhe më shumë se dyfishi i tyre që e merrnin padrejtësisht nuk e marrin më. Thua se lekët e kursyera ua shpërndava oligarkëve. Hej Genc, pak logjikë mik, është krej qesharake dhe nuk mbështetet në asnjë lloj filli arsyetimi dhe jo më në ndonjë fakt. Sa për turp, jo jo nuk më vjen turp të shkoj në shtëpinë e Hysenit se i kisha dhënë fjalën. Ti thua show, por për mua nuk ka pikë rëndësi çfarë thua ti por çfarë mendon Hyseni, zonja dhe fëmijët e tij",-shkruan Rama në përgjigjen e tij.


Lajmi kryesor:

'Disa e quajnë humbje kohe, unë e quaj punë', Rama prezanton rubrikën e re në Facebook-un e tij
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça