Rui Costa: Pres Milanin në gjysmëfinalet e Champions

Futbollisti legjendar portugez, Rui Kosta, i cili tani është drejtor i Benfikës është shprehur optimist për duelin me Çelsin në çerekfinale të Ligës së Kampionëve, ndërsa beson se ish-klubi i tij, Milan, do të arrijë ta eliminojë Barcelonën.

“Dëshira ime ishte t’i shmangeshim klubeve spanjolle, prandaj jemi të kënaqur me shortin. Mendoj se në këtë edicion kemi dëshmuar se mund të luajmë kundër të gjitha skuadrave”, ka thënë Rui Kosta. Ai mendon se Benfika di të luajë mjaft mirë kundër klubeve angleze.

“Kjo është një periudhë e mirë për ne për të luajtur kundër anglezëve. Këtë e treguam kundër Junajtedit. Me Çelsin nuk kemi luajtur kurrë, por e njohim mjaft mirë dhe e dimë se tashmë ka filluar të dalë nga kriza. Mirëpo, nuk do të jetë befasi nëse e eliminojmë, ashtu sikurse Milani nëse e eliminon Barcelonën. Unë pres që në gjysmëfinale të takohemi me ish-klubin tim”, ka shtuar Rui Kosta.