Shqipëria do të luajë përballë Izraelit në stadiumin "Loro Boriçi" në Shkodër, ndeshjen e katërt për fazën kualifikuese të Botërorit "Rusi 2018". Kur duhen pak më shumë se dy javë nga ndeshja, Federata Shqiptare e Futbollit ka nxjerrë në shitje biletat për këtë takim. 

Duke pasur njëfarë sigurie paraprake se FIFA nuk do të marrë ndonjë dënim ekstrem, sikurse mund të jetë luajtja pa tifozë, nisur nga incidentet e ndeshjeve të shkuara, federata ka bërë njoftimin përkatës se biletat janë në shitje dhe mbështetësit e kombëtarës e sportdashësit mund t'i gjejnë ato në pikat e shitjes së licencuara nga FSHF. 

 në të cilin thuhet: “Të dashur anëtarë të fan-club-it “Tifozët e Kombëtares”, ju njoftojmë se ka filluar shitja e biletave për ndeshjen eliminatore të Kupës së Botës, “Rusi 2018”, Shqipëri-Izrael, e cila do të luhet më 12 nëntor 2016, ora 20:45, në stadiumin “Loro Boriçi” Shkodër. Biletat mund t’i blini online (bileta.fshf.org). Afati që mund të pajiseni me biletë është data 3 nëntor 2016. Nëse do të keni vështirësi për blerjen e biletave online, jeni të lutur të paraqiteni për t’i blerë ato fizikisht në adresat: Dyqani zyrtar i FSHF-së, Rruga e Elbasanit (kryqëzimi me Rr.Themistokli Germenji); Tiranë, orari 10:00-19:00 (e diela pushim), si dhe në Shkodër, te stadiumi “Loro Boriçi”, tribuna C4, Rruga Djepaxhiej Nr.2; orari 10:00-19:00 (e diela pushim). Çmimet e biletave, sipas tribunave, janë si vijon: C2 , C3, C4 + E2, E3, E4 = 1.000 lekë (të rinj); C1, C5 + E1, E5 = 1.500 lekë; D1, D4 = 2.000 lekë; D2, D3 = 3.000 lekë; A, B = 8.000 lekë dhe VIP = 18.000 lekë.”

Çmimet e biletave për Shqipëri-Izrael 

C2 , C3, C4 + E2, E3, E4 = 1.000 lekë  

C1, C5 + E1, E5 = 1.500 lekë

D1, D4 = 2.000 lekë

D2, D3 = 3.000 lekë

A, B = 8.000 lekë

Tribuna VIP = 18.000 lekë


Redaksia Online
l.q/Shqiptarja.com