POP 5

Lajmet më të lexuara të 5 minutave të fundit

Bota

Rusi, ish-gazetarja Dountsova sfidon Putinin në zgjedhjet presidenciale

Një politikane e pavarur ruse, ish-gazetarja Ekaterina Dountsova, e angazhuar për paqen, paraqiti ditën e djeshme kandidaturën e saj për zgjedhjet presidenciale të marsit 2024, gjatë të cilave një fitore e re për Vladimir Putin është pothuajse e padyshimtë

Rusi, ish-gazetarja Dountsova sfidon Putinin në zgjedhjet presidenciale

Ekaterina Dountsova

Një politikane e pavarur ruse, ish-gazetarja Ekaterina Dountsova, e angazhuar për paqen, paraqiti ditën e djeshme (20 Dhjetor) kandidaturën e saj për zgjedhjet presidenciale të marsit 2024, gjatë të cilave një fitore e re për Vladimir Putin është pothuajse e padyshimtë.

Ajo depozitoi dokumentet e nevojshme në Komisionin Zgjedhor, i cili më pas konfirmoi regjistrimin e tyre.

Por, ky është vetëm hapi i parë, pasi kandidati tani duhet të mbledhë të paktën 300 mijë nënshkrime mbështetjeje, gjë që nuk do të jetë një detyrë e lehtë, raporton Reuters.

Ekaterina Dountsova, 40 vjeçe, tha se kishte gjithmonë një shans 50 me 50. Rizgjedhja e Presidentit rus, Vladimir Putin për një mandat të pestë, megjithatë, është një formalitet, pa toleruar asnjë formë opozitare.

Pothuajse të gjitha figurat kryesore, si aktivisti kundër korrupsionit Alexei Navalny, janë futur në burg ose janë shtyrë në mërgim.

Edhe Ekaterina Dountsova është thirrur nga prokuroria pasi ka bërë të ditur synimin e saj për të kandiduar në zgjedhje.

Në mesazhin e saj, ajo vlerësoi veçanërisht në rrjetet sociale se Rusia po “largohej nga të drejtat dhe liritë, nga dashuria dhe paqja, nga një e ardhme e bukur”, pothuajse dy vjet pas fillimit të sulmit rus ndaj Ukrainës.

E pyetur për frikën e saj në lidhje me sigurinë e saj dhe të njerëzve të saj të dashur, ajo pranoi se kishte “shqetësime” ndërsa kujtoi se ajo që po bën është “e ligjshme”.

”Ne kemi një program mjaft pozitiv, nuk jemi kundër asgjëje, jemi për paqen dhe për proceset demokratike”, shtoi ajo.

Dountsova vlerësoi se ”njerëzit duan alternativë”. Në fund të nëntorit, ajo tha se kishte mbledhur tashmë “më shumë se 10 mijë” nga 300 mijë nënshkrimet e nevojshme.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça