Rusi, veterani i Luftës së Dytë Botërore mposht COVID-19: Rilinda në moshën 102-vjeçare

“Hera e fundit që u përballa me vdekjen ishte në vitin 1941, gjatë betejës së Moskës. Mora një plagë në mushkërinë time të djathtë. Por, në atë kohë isha mjaft i ri dhe u shërova menjëherë,”  tha veterani rus i Luftës së Dytë Botërore, 102-vjeçari Nikolai Bagayev pasi kishte arritur të mposhte për të dytën herë vdekjen, kësaj radhe në përballje me COVID-19.

Bagayev, i cili në momentin që u shtrua në spital kishte mushkëritë e dëmtuara  në masën 80%.qëndroi për më shumë se një muaj i shtruar në Korolyov afër Moskës doli të enjten në mbrëmje.

Ndërkohë që në mposhtjen e sëmundjes ai i ka dhënë meritat më të mëdha mjekëve.

“Këtë herë u mbështeta kryesisht te mjekët dhe kishte disa raste që për pak do të humbisja shpresën dhe guximin. U jam jashtëzakonisht mirënjohës mjekëve. Ishte e vështirë, por mund të shihja se si mjekët po luftonin për të më shëruar dhe i ndihmova ata. Heronjtë janë ata”” tha Bagayev kur doli nga spitali, i veshur me uniformë ushtarake.

Bagayev bën pjesë te një grup veteranësh të cilët respektohen në Rusi për rolin e tyre në mposhtjen e Gjermanisë naziste. Në maj, ai mori pjesë në paradën vjetore të kësaj fitoreje në Sheshin “Parade”, së bashku me Presidentin Vladimir Putin.

Bagayev jetoi shumë nga kapitujt e trazuar të Bashkimit Sovjetik tashmë të shkatërruar dhe u plagos dy herë gjatë luftës, njëra prej të cilave ishte plagosje mjaft e rëndë.

Pas luftës, Bagayev punoi në republikën sovjetike të Kazakistanit, ku ndihmoi në ndërtimin e kozmodromit “Baikonur”, kozmodrom i cili në vitin 1961 dërgoi njeriun e parë në hapësirë, Yuri Gagarin.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ish-ministri i Shëndetësisë, Ilir Beqaj paraqitet në SPAK

Ish-ministri i Shëndetësisë, Ilir Beqaj paraqitet në SPAK