Rusia konfirmoi se Yevgeny Prigozhin, kreu i grupit mercenar Wagner, ishte midis të vdekurve nga rrëzimi i një avioni javën e kaluar në Rusi. Komisioni që po zhvillon hetimet tha se analizat gjenetike konfirmuan identitetin e shefit të grupit mercenar mes trupave të gjetur.
Rrëzimi i avionit privat ndodhi dy muaj pasi kryemercenari Prigozhin udhëhoqi një kryengritje të dështuar kundër Kremlinit.
Autoritetet ruse konfirmuan se kreu i grupit Wagner, Yevgeny Prigozhin, ishte mes të vdekurve në aeroplanin e rrëzuar më 23 gusht. Media shtetërore ruse njoftoi se ai, shtatë pasagjerë dhe tre anëtarë të ekuipazhit humbën jetën në aksident. Hetuesit njoftuan të dielën se kishin identifikuar trupin e Prigozhinit.
Zëdhënësja e komisionit rus të hetimeve, Svetlana Petrenko, tha se "ekzaminimet gjenetike molekulare" të të 10 viktimave të aksidentit përputhen me individët në listën e personave në bordin e avionit.
Rrëzimi i avionit erdhi pikërisht dy muaj pasi mercenari Yevgeny Prigozhin udhëhoqi një kryengritje të dështuar gjatë së cilës autokolonat ushtarake të grupit Wagner iu afruan Moskës rreth 200 kilometra. Ushtria mercenare e Prigozhinit ishte e angazhuar në luftën e Moskës kundër Kievit.
Presidenti Vladimir Putin foli për shtypin pas kërcënimit më të madh ndaj regjimit të tij që nga marrja e pushtetit, gati një çerek shekulli më parë.
“Po përballemi me tradhti. Ambiciet e paarsyeshme dhe interesat personale çojnë në tradhti ndaj shtetit, tradhti ndaj popullit dhe kauzës së përbashkët, për të cilën luftëtarët dhe komandantët e Wagner-it luftuan dhe vdiqën së bashku me njësitë dhe brigadat tona”, tha Presidenti Putin pas dështimit të kryengritjes së mercenarit Prigozhin.
Mbetet mister shkaku i rrëzimit të avionit me Prigozhinin në bord. Së fundmi Pentagoni hodhi poshtë një teori mbi rrëzimin e avionit.
“Aktualisht nuk kemi asnjë informacion që mbështet njoftimet e shtypit se një lloj rakete tokë-ajër e rrëzoi avionin. Ne vlerësojmë se ky informacion është i pasaktë”, tha zëdhënësi i Pentagonit, Pat Ryder.
Ndërsa Presidenti Putin nuk ka marrë ende publikisht meritat për eleminimin e Prigozhinit, Presidenti Joe Biden thotë se nuk ka gjasa të ketë ndodhur pa bekimin ose dijeninë e zotit Putin.
Kremlini mohon zyrtarisht se ka ndonjë lidhje me rrëzimin e avionit, ndërsa vazhdon luftën kundër Ukrainës pa një nga elementët e saj themelorë, Grupin Wagner të udhëhequr nga Prigozhini./VOA
Lajmi kryesor:
Lufta/ Media ruse: Bombë në kondicionerin e avionit të Prigozhin! Kievi kundër Papës: I jep zë propagandës imperialiste ruse
Lajme të tjera
-
Kërcënimi i Lavrov: Moska do pezullojë moratoriumin për vendosjen e raketave me rreze të shkurtër dhe të mesme
29 Dhjetor, 09:19 -
Rusia i pezullon gazin, reagon Moldavia: Putin po e përdor energjinë si armë
28 Dhjetor, 22:55 -
Rusia zbulon komplotin e Ukrainës, bombë e fshehur në altoparlant për të vrarë oficerin e lartë
28 Dhjetor, 22:17 -
Mosmarrëveshja me Sllovakinë, Zelensky: Po hapin front të dytë energjitik kundër Ukrainës! Fico: Nëse Kievi ndalon gazin, s’e furnizojmë me energji
28 Dhjetor, 19:44 -
Putin kërkon falje për 'incidentin tragjik' me avionin e Azerbajxhanit
28 Dhjetor, 15:23 -
Kurti u kërkon ambasadorëve të veprojnë shpejt ndaj sulmeve nga Serbia: Beogradi me mbështetjen e Rusisë përhap narrativë kundër Kosovës
28 Dhjetor, 12:43 -
Moska: Kemi penguar një komplot ukrainas për vrasjen e një oficeri të lartë rus dhe blogeri
28 Dhjetor, 11:58 -
SHBA: Rusia mund të jetë përgjegjëse për rrëzimin e aeroplanit të Azerbajxhanit
28 Dhjetor, 09:37 -
'Trazirat politike në botë mund të sjellin telashe për ekonominë globale në 2025', analiza e CNN: Ja ndikimi i presidentit Trump
27 Dhjetor, 21:37 -
Sllovakia ofrohet të presë negociatorët e paqes Rusi-Ukrainë, Putin: Jemi dakord
27 Dhjetor, 16:43
-
Tërmeti i fuqishëm godet arkipelagun Kuril në Rusi, forca 6,6 ballë e shkallës Rihter! Historia e luftës Moskë-Tokio për ishujt
27 Dhjetor, 16:01 -
Zëvendësministri rus paralajmëron: Moska po shqyrton opsionet nëse SHBA vijon me testin bërthamor
27 Dhjetor, 09:54
