Pas deklaratave të kryeministrit Rama dhe Presidentit të Kosovës, Thaçi për mundësinë e bashkimit kombëtar, ka reaguar ashpër Ministria e Jashtme ruse.
 
Rusia deklaron se themelet e stabilitetit po tronditen pas kursit të ri politik për të ndryshuar kufijtë e Ballkanit.
 
Gjithashtu Moska zyrtare u bën thirrje ndërkombëtarëve të reagojnë. "Një seri deklaratash të kohëve të fundit të politikanëve të ndryshëm shqiptarë lidhur me rihapjen e kufijve në Ballkan kanë ngritur shqetësim të veçantë.
 
Kurs i ri politik për ndryshimin e kufijve në Ballkan në mënyrë të pashmangshme do të rrisë potencialin e konfliktit.
 
I tillë është konteksti i deklaratave të kryeministrit shqiptar Edi Rama dhe “kreut” të vetë-shpallur të pavarur të Kosovës, Hashim Thaçi për bashkimin e forcave në një shtet të vetëm, Shqipërinë e Madhe.
 
Këtyre deklaratave u bëri jehonë edhe kreu i komunës së Luginës së Preshevës.
 
Një pjesë e të njëjtit kontekst është edhe Platforma e Tiranës e miratuar nga partitë etnike shqiptare në Maqedoni dhe duke rrezikuar këtë shtet.
 
Padronët kryesorë të Tiranës dhe Prishtinës – Shtetet e Bashkuara dhe BE – ose mbeten të heshtur ose lëshojnë shprehje të zakonshme të pakuptimta.

Ne nuk mund të ndihmojmë, por pajtohemi tërësisht me shqetësimet e shprehura qartazi nga kryeministri serb, njëkohësisht presidenti i zgjedhur Aleksandar Vuçiç, si dhe ministri i Jashtëm serb, Ivica Daçiç, të cilët kanë dënuar me vendosmëri retorikën e politikanëve shqiptarë dhe kanë kërkuar përgjigjen e duhur ndaj këtyre zhvillimeve nga ana e Brukselit, Uashingtonit, si dhe vendeve të tjera kryesore europiane”, thuhet nga Ministria e Jashtme ruse. 


Rama dhe Thaçi deklaruan se bashkimi i Shqipërisë me Kosovën nuk mund të përjashtohet nëse prespektiva për anëtarësimin e Ballkanit në BE venitet.

Rusia

Deklarata e Ministrise se Jashtme te Rusise


dy.b/shqiptarja.com