Rusia bombardoi disa qytete ukrainase, Biden: Brutalitet absolut! Kanë shkatërruar objektiva jo ushtarake  

Presidenti Joe Biden ka dënuar sulmet ajrore të Rusisë ndaj qendrave civile ukrainase, duke i bërë sërish thirrje Rusisë “të përfundojë menjëherë këtë agresion të paprovokuar dhe të largojë trupat e saj nga Ukraina”.

"Shtetet e Bashkuara dënojnë fuqishëm sulmet me raketa të Rusisë sot në Ukrainë . Këto sulme kanë vrarë dhe plagosur civilë dhe kanë shkatërruar objektiva joushtarake dhe tregojnë edhe një herë brutalitetin e plotë të luftës ilegale të Putinit ndaj popullit ukrainas. Këto sulme vetëm e forcojnë më tej angazhimin tonë për të qenë me popullin ukrainas për aq kohë sa është e nevojshme,", tha Biden.

LEXO EDHE:
Sulm me dron në portin rus, raportohet për viktima dhe të plagosur

"Së bashku me aleatët dhe partnerët tanë, ne do të vazhdojmë t'i imponojmë Rusisë kosto për agresionin e saj, do të mbajmë Putinin dhe Rusinë përgjegjëse për mizoritë dhe krimet e luftës dhe do të ofrojmë mbështetjen e nevojshme për forcat ukrainase për të mbrojtur vendin dhe lirinë e tyre", tha presidenti amerikane.

“I bëjmë thirrje edhe një herë Rusisë që të ndalojë menjëherë këtë agresion të paprovokuar dhe të largojë trupat e saj nga Ukraina”, përfundoi Biden.

 

Lajmi kryesor:

Mblidhet OKB për aneksimet ruse, Kievi: Rusia do të na kthejë në kohën e Hitlerit! Hakmarrja e Putin për urën e Krimesë, 84 raketa godasin Ukrainën (VIDEO)

S.C/Shqiptarja.com

TAG:
• rusia sulmon ukrainen
• lufta ne ukraine