Tre raketa ukrainase kanë shënjestruar urën e Krimesë, e cila lidh Rusinë me gadishullin e aneksuar të Krimesë. Fillimisht u raportua për dy raketa që ranë mbi urën e Krimesë, por më vonë autoritetet ruse thanë se një tjetër raketë u rrëzua.
"Dy raketa ukrainase u rrëzuan nga forcat e mbrojtjes ajrore pranë ngushticës së Kerçit. Ura e Krimesë nuk u dëmtua", tha kreu i Krimesë Sergei Aksionov në Telegram.
Ministria ruse e mbrojtjes tha se Ukraina kishte përdorur raketa S-200, ndërkohë Kievi nuk e ka komentuar këtë sulm.
Nga ana tjetër, ministria e Jashtme ruse ka thënë se sulme të tilla nuk do të mbeten pa përgjigje.
“Veprime të tilla barbare nuk mund të justifikohen dhe nuk do të mbeten pa përgjigje”, tha ministria.
Më herët të shtunën, Rusia tha se kishte rrëzuar 20 dronë ukrainas pranë gadishullit. Për shkak të sulmit u ndalua kalimi në urë, ndërsa më pas filloi lëvizja.
Ura e Kerçit u hap në vitin 2018 dhe mundëson udhëtimin rrugor dhe hekurudhor midis Rusisë dhe Krimesë, territori ukrainas i aneksuar nga Rusia në 2014. Është një rrugë e rëndësishme furnizimi për forcat ruse që pushtojnë pjesë të Ukrainës jugore. Ka pasur të paktën dy sulme të tjera që synonin urën në muajt e fundit.
Lufta nuk kursen as fëmijët, pasi Rusia ka bombarduar në periferi të Zaporizhias me raketa teksa disa fëmijë po luanin në një park me nënën e tyre. Këto bombardime në sytë e fëmijëve, do të mbesin gjatë në mendjen e tyre.
Raketa e parë goditi hotelin Reikartz dhe më pas në videon e publikuar në media, fëmijët vëzhgojnë flakët, pastaj kthehen të tmerruar drejt qiellit dhe shtrihen në tokë.
Një raketë e dytë u hodh me shpejtësi, e cila goditi përsëri hotelin Reikartz.
Një avion luftarak Su-30 rus, është rrëzuar gjatë një fluturimi stërvitor sot në rajonin e Kaliningradit të Rusisë, ku humbën jetën dy pilotë, deklaroi Ministria e Mbrojtjes ruse.
“Aeroplani Su-30 u rrëzua në një zonë të pabanuar. Fluturimi ishte pa municion. Ekuipazhi i avionit humbi jetën”, tha ministria, duke theksuar se shkaku i mundshëm i rrëzimit ishte një dështim teknik.
Kaliningrad është një rajon ruse midis dy vendeve anëtare të NATO-s, Polonisë dhe Lituanisë, në Detin Baltik.
Dy raketa ukrainase u rrëzuan të shtunën nga mbrojtja ajrore ruse mbi Urën e Krimesë, një infrastrukturë e rëndësishme civile dhe ushtarake që lidh Rusinë me gadishullin e aneksuar, njoftuan autoritetet pro-ruse.
"Dy raketa ukrainase u rrëzuan nga forcat e mbrojtjes ajrore pranë ngushticës së Kerçit. Ura e Krimesë nuk u dëmtua", tha kreu i Krimesë Sergei Aksionov në Telegram.
Ministria e Mbrojtjes së Rusisë tha gjithashtu se kishte penguar një tentativë sulmi nga dronët ukrainas që synonin gadishullin e Krimesë.
“Natën e kaluar tentativa për sulm terrorist të regjimit të Kievit me 20 dronë kundër objektivave në territorin e gadishullit të Krimesë dështoi”, tha Ministria e Mbrojtjes në Telegram.
Para disa minutash, një tjetër raketë ukrainase u rrëzua mbi ngushticën e Kerçit në Krime, deklaroi lideri i Krimesë, Sergej Aksyonov.
20 dronë ukrainas u shkatërruan nga sistemet e mbrojtjes ajrore dhe 6 të tjerë nga lufta elektronike, shtoi ai.
Pamjet janë shpërndarë edhe në rrjete sociale sidomos në Twitter nga njerëzit që kanë qenë të pranishëm.
Qyteti i Ukrainës Odessa ka rihapur zyrtarisht disa nga plazhet e saj për ukrainasit, deklaroi Kreu i Administratës Ushtarake të rajonit, Oleg Kiper.
"Ne kemi nënshkruar një urdhër të përbashkët me komandantin e Grupit Operativ Strategjik të trupave të Odessa për daljen në det" tha ai, sipas raporteve të agjencisë së lajmeve ukrainase.
Qëndrimi në plazhe do të lejohet nga ora 08:00-20:00 me orën lokale. Lista e vendeve të aksesueshme do të integrohet me kalimin e kohës teksa po kryhen disa inspektime në terren.
Koordinatori i Këshillit të Sigurisë Kombëtare të SHBA-së për Komunikimet Strategjike, John Kirby, tha se SHBA është e hapur për të ofruar trajnimin e pilotëve ukrainas për avionët F-16.
Lidhur me trajnimin e pilotëve ukrainas për avionët F-16, Kirby vuri në dukje se proçesi do të marrë kohë dhe se për këtë çështje po vazhdojnë të punojnë me partnerët evropianë.
Ai dha mesazhin se kur vendet evropiane të mos kenë më vend për të trajnuar pilotët ukrainas, ata janë kategorikisht të hapur për trajnimin e tyre në SHBA.
Lidhur me kërkesën e administratës së presidentit, Joe Biden, ndaj Kongresit për miratimin e fondit të emergjencës prej 40 miliardë dollarësh prej të cilëve mbi 24 miliardë dollarë do të përdoren për të ndihmuar Ukrainën, Kirby tha se ata ende nuk e dinë se sa do të zgjasë lufta.
Ai mbrojti idenë se është e drejtë që të bëhet një parashikim i nevojave në kuadër të kësaj.
Ukrainës do t'i duhet të përballet me një vjeshtë të vështirë, sepse zërat për nevojën që Kievi të ulet në tryezën e bisedimeve me Rusinë dhe të përfundojë një marrëveshje paqeje janë gjithnjë e më këmbëngulëse, tha ministri i Jashtëm, Dmytro Kuleba.
"Do të jetë një sezon politik shumë i vështirë, i paralajmëroj të gjithë. Ne do të fitojmë përsëri në të gjitha frontet, por do të jetë një vjeshtë e vështirë. Të gjitha këto zëra që kanë filluar të dëgjohen në vende të ndryshme të botës kanë të bëjnë me “probleme", që do të thotë se duhen negociatat. Këto zëra po bëhen gjithnjë e më të forta. Ne do të bëjmë gjithçka në kuadrin e së drejtës ndërkombëtare dhe ligjit penal për të siguruar që këto zëra të shuhen", tha Kuleba.
Ministri i Mbrojtjes rus, Sergei Shoigu, inspektoi garnizonet e largëta të Arktikut të Flotës Veriore, sipas ministrisë së vendit, pasi një grup njerëzish i anijeve luftarake u dërgua në Oqeanin Arktik për të kryer detyrat.
Garnizon do të thotë repart i vogël ushtarak brenda një qyteti që ka si detyrë të mbikëqyrë disiplinën dhe rregullin e shërbimit të brendshëm të ushtarakëve.
Gjatë vizitës së tij, Shoigu vlerësoi objektet ushtarake dhe gatishmërinë e tyre për ruajtjen e instalimeve kritike. Ministria e Mbrojtjes e ndau këtë informacion në aplikacionin e mesazheve Telegram.
Një shkëputje e anijeve luftarake, e cila përfshin shkatërruesin Zëvendës-Admiral Kulakov, anijen zbarkuese Alexander Otrakovsky dhe rimorkiatorin e shpëtimit Altai, u dërgua në Arktik, sipas deklaratës së ministrisë.
Data e saktë e vizitës së flotës së Shoigu nuk u dha, por Flota Veriore nisi stërvitjet ushtarake të premten, duke u fokusuar në strategjitë për të mbrojtur sovranitetin e Rusisë përgjatë Rrugës së Detit të Veriut.
Si pjesë e këtyre aktiviteteve stërvitore, aeroplanët të tipit MiG-31 kryejnë detyra në lidhje me mbrojtjen ajrore, zbulimin ajror dhe sigurimin e mbulimit për trupat dhe operacionet në zonën e Arktikut, siç detajohet nga ministria e mbrojtjes.
Shërbimet e sigurisë së Ukrainës njoftuan se kanë bërë arrestime të tjera ditën e djeshme.
Ata arrestuan një të dyshuar "spiun rus" në Odesa dhe gjithashtu individë të tjerë të përfshirë në një skemë që lejonin njerëzit që të shërbenin në ushtri sipas ligjit ushtarak.
Shërbimi i Sigurisë tha se bllokoi tre "kanale të veçanta të largimit të paligjshëm nga Ukraina të qytetarëve të moshës ushtarake".
Grupet kriminale përfshinin anëtarë zyrtarë nga institucionet mjekësore dhe organet e qeverisjes vendore, tha ai.
“Grupet kriminale përfshinin anëtarë zyrtarë nga institucionet mjekësore dhe organet e qeverisjes vendore. Kriminelët u ofronin ndihmë shmangësve në emigrimin e paligjshëm në vendet fqinje evropiane në bazë të dokumenteve të falsifikuara ose përmes të ashtuquajturit “karton jeshi”, deklaruan shërbimet e sigurisë së Ukrainës.
Bandat paguanin nga 2500 deri në 5000 dollarë për të kontrabanduar njerëzit jashtë.
Rusia ka zmbrapsur një sulm ukrainas në Krime duke shkatërruar 20 dronë, raportuan agjencitë ruse të lajmeve duke cituar Ministrinë e Mbrojtjes të Moskës.
Sipas Moskës, 4 drone u kapën dhe u shkatërruan nga mbrojtja ajrore, ndërsa 6 të tjerë u neutralizuan nga sistemi i luftës elektronike.
Deputeti republikan, Warren Davidson, shkroi në Twitter se Presidenti amerikan, Joe Biden, duhet të tërheqë paketën e fundit të ndihmës për luftën në Ukrainë.
"Amerikanët janë lodhur duke financuar luftëra të pafundme. Kolegët e mi dhe unë dërguam një letër sot duke i kërkuar Presidentit Biden të tërheqë paketën e fundit të ndihmës derisa Kongresi të marrë një strategji dhe mision të përgjithshëm për angazhimin në Ukrainë", shkroi deputeti republikan Warren Davidson në Twitter.
Letra e nënshkruar edhe nga 11 kolegë të tjerë të Dhomës, në të shkruhej: "Ne po shkruajmë për të shprehur kundërshtimin tonë të fortë ndaj kërkesës tuaj më të fundit për ndarje shtesë prej 40 miliardë dollarësh, duke përfshirë 24 miliardë për Ukrainën".
Komente
Lajme të tjera
-
Rusia dënon me mbi 4 vjet burg ish punonjësin e konsullatës amerikane
2 Nëntor, 20:55 -
Kievi: 7 mijë ushtarë të Koresë së Veriut po vijnë drejt territorit tonë
2 Nëntor, 16:12 -
Rusia gjobit 'Google' me shifrën marramendëse, më e lartë se GDP-ja e të gjithë botës, 110 trilionë dollarë
2 Nëntor, 08:31 -
Lufta në Ukrainë/ Kievi: 7 mijë ushtarë të Koresë së Veriut po vijnë drejt territorit tonë
2 Nëntor, 08:11 -
Vdes edhe një i burgosur politik në Bjellorusi
1 Nëntor, 22:56 -
Sllovakia, e gatshme t’i bashkohet planit të Kinës dhe Brazilit për luftën në Ukrainë
1 Nëntor, 19:49 -
Lufta në Ukrainë/ Koreja e Veriut: Do të qëndrojmë pranë Moskës deri në fitoren kundër Kievit
1 Nëntor, 17:55 -
Gjykata ruse e dënon me gati 5 vjet burgim ish-punëtorin e konsullatës amerikane
1 Nëntor, 10:26 -
Trupat e Koresë së Veriut në Rusi, Blinken: Putin i dëshpëruar
1 Nëntor, 09:20 -
Ambasadori rus në OKB: Serbia do kërkojë kthimin e 1 mijë ushtarëve të saj në Kosovë, e mbështesim
31 Tetor, 21:33 -
Lufta në Ukrainë/ Korea e Jugut nuk përjashton mundësinë e dërgimit të raketave Hawk në Kiev! Zelensky - Perëndimit: Na lejoni sulmet thellë brenda Rusisë
31 Tetor, 17:36 -
Ballkani hyn më shpejt në BE?/ Von der Leyen: Përfiton prej tensioneve gjeopolitike
31 Tetor, 17:15
Si ka mundesi qe do te jete vjeshte e veshtire per Ukrainen a nuk po fitoninvluften keta ?
Përgjigju