Ukrainë- Forcat ruse filluan tre sulme në Kharkiv, Kherson dhe Dnipro ditën e djeshme (20 Shtator), deri në orët e para të mëngjesit të sotëm. Bilanci është të paktën 2 të vrarë dhe 18 persona të plagosur në disa rajone.
Në Kharkiv U plagosën të paktën 15 persona, duke përfshirë tre fëmijë. Këtë e ka bërë të ditur kryetari i qytetit të dytë më të madh të Ukrainës, Ihor Terekhov, duke raportuar se tetë persona janë trajtuar në spital.
Policia e Kharkiv, e cituar nga transmetuesi publik Suspilne, tha se sulmet goditën tre lagje të ndryshme në qytet. Një sulm goditi një zonë jashtë një spitali dhe guvernatori rajonal i Kharkiv, Oleh Syniehubov tha se katër nga të plagosurit ishin pacientë në objekt.
Më tej, në jug-lindje në fshatin Kivsharivka, një tjetër sulm rus vrau dy persona dhe plagosi po aq, tha policia. Dhe në rajonin jugor të Khersonit, pjesërisht i kontrolluar nga forcat ruse, një grua vdiq në granatimet ruse të një zone jashtë Khersonit, raporton "La Repubblica".
Rusët sulmuan me raketa edhe një shkollë në qytetin e Dnipros, mes objektivëve të tjerë që kishin. Një person ka mbetur i plagosur dhe mrekullia duket se shpëtoi të tjerët. Kjo u bë e ditur nga kreu i administratës ushtarake rajonale të Dnipropetrovsk, Serhii Lysak. Lajmin e konfirmon agjencia Ukrinform.
Nga ana tjetër, edhe autoritetet ruse në Krasnodar thanë se njerëzit në vendbanimin Kuban u larguan nga shtëpitë e tyre, pasi dy dronë ukrainas u rrëzuan nga forcat e mbrojtjes ajrore.
"Për shkak të rënies së mbeturinave të njërit prej tyre, një zjarr shpërtheu dhe u përhap në objekte shpërthyese. Shpërthimi nuk shkaktoi viktima", thanë autoritetet.
Sulme pati edhe në pranë Tikhoretsk, në rajonin rus të Krasnodarit, ku u rrëzuan dy dronë ukrainas. Guvernatori i rajonit Veniamin Kondratyev e raportoi këtë në kanalin e tij Telegram.
"Zona Tikhoretsk - shkruan ai - u sulmua gjatë natës nga rajoni i Kievit. Dy drone u rrëzuan nga mbrojtja ajrore”, u shpreh ai.
Komente
Lajme të tjera
-
Poloni, fermerët bllokojnë kalimin kufitar me Ukrainën
23 Nëntor, 20:39 -
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33 -
Zelensky: Po punojmë në zhvillimin e sistemeve të reja të mbrojtjes ajrore
22 Nëntor, 20:53 -
Putin paralajmëron se Rusia do të vazhdojë të testojë raketën e re balistike: Po na krijohen kërcënime!
22 Nëntor, 19:36 -
Parlamenti i Ukrainës pezullon punimet përballë kërcënimit të sigurisë nga Rusia
22 Nëntor, 18:00 -
Përdorimi i raketave të avancuara nga Rusia, sinjal për Perëndimin
22 Nëntor, 07:40 -
Dokumenti sekret/ Gjermania përgatitet për luftë botërore, gazeta gjermane zbulon planet e Berlinit
21 Nëntor, 17:47
-
VIDEO/ Zëdhënëses ruse i bie telefoni në konferencë: Mos fol për sulmin me raketë balistike ndërkontinentale ndaj Ukrainës
21 Nëntor, 15:53
Vrasja gjithnje eshte krim.Kur kete e bejne ruset quhet krim,kur e bejne ukrainasit nuk eshte krim.Kur "Hamasi" vrau ne 7-tetor2023 1200 njerez u quajt krim(dhe drejt).Kur ushtria e Izraelit vret mbi 50 000 njerez(ku pjesa dermuese gra dhe femije) nuk eshte krim.Tamam llogjike .
Përgjigju