POP 5

Lajmet më të lexuara të 5 minutave të fundit

Bota

Rusia dëbon korrespondenten e gazetës Politico nga Moska

Qeveria ruse ka dëbuar korrespondenten e të përditshmes amerikane Politico në Moskë, Eva Hartog, ka njoftuar gazeta të mërkurën.

Rusia dëbon korrespondenten e gazetës Politico nga Moska

Qeveria ruse ka dëbuar korrespondenten e të përditshmes amerikane Politico në Moskë, Eva Hartog, ka njoftuar gazeta të mërkurën. Politico ka thënë se kjo është hera e parë që një gazetare është dëbuar nga Rusia, prej nisjes së luftës në Ukrainë, në shkurt të vitit 2022.

Evan Gershkovich, gazetari amerikan i Wall Street Journal, shtetas amerikan, është arrestuar në Rusi nën akuzat për spiunazh, në muajin mars.

Gazeta i mohon akuzat dhe Departamenti amerikan i Shtetit ka thënë se Gershkovich është “ndaluar gabimisht”. Hartog, shtetase holandeze, ka raportuar nga Rusia në dekadën e fundit, sipas Politicos.

Kompania ka thënë se asaj i është thënë që viza e saj nuk do vazhdojë më dhe se ka gjashtë ditë afat për t’u larguar nga vendi.

“Ne jemi jashtëzakonisht të zhgënjyer nga këto veprime, mirëpo ato nuk e dëmtojnë përkushtimin e palëkundshëm të Politicos për t’i mbuluar zhvillimet në Qeverinë ruse dhe luftën e saj në Ukrainë”, ka thënë gazeta, duke thënë se shpreson që Eva dhe Politico do të kthehen shpejt më Moskë.

Edhe para arrestimit të Gershkovichit, zëdhënësja e Ministrisë së Jashtme ruse, Maria Zakharova, ka thënë se Rusia i ka dhënë fund qasjes tejet të favorshme ndaj gazetarëve të huaj.

“Ka marrë fund ajo qasje. Tani do të duhet të jetoni sipas mënyrës së re dhe të aplikoni për dokumente”, pati thënë ajo në një konferencë për media në muajin shkurt.

Shtypi i lirë ka pësuar goditje në muajt e fundit në Rusi. Sipas raportimeve në media, rreth 1.000 gazetarë rusë kanë ikur prej këtij shteti, prej nisjes së luftës./REL

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Beni: 16/08/2023 18:04

    Vendet perendimore i bllokuan mediat Ruse dhe i ben bllokade cfare do lloj aktiviteti sportiv , kulturor etj kurse tani qe ata kunderpergjigjen vazhdojne me bla bla e tyre qe po na lodhin dhe mashtrojne nga dita ne dite

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille

Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille

27 Nëntor, 22:55