Një gjykatë në lindjen e largët të Rusisë tha të premten se kishte dënuar zotin Robert Shonov, ish punonjës i konsullatës amerikane, nën akuzat për bashkëpunim të paligjshëm dhe të fshehtë me qeverinë amerikane për të dëmtuar sigurinë kombëtare të Rusisë. Gjykata tha se zoti Shonov u dënua me gati pesë vjet burg.
Shërbimi Federal i Sigurisë, FSB, e arrestoi shtetasin rus Robert Shonov në Vladivostok në maj të vitit 2023. FSB-ja e akuzoi atë se ishte paguar nga diplomatë amerikanë në këmbim të informacioneve të fshehta që ishin potencialisht të dëmshme për Rusinë. Shtetet e Bashkuara e dënuan të shtunën burgosjen duke e quajtur “një padrejtësi skandaloze”.
“Akuzat kundër zotit Shonov janë tërësisht fiktive dhe nuk kanë baza”, tha në një deklaratë zëdhënësi i Departamentit të Shtetit, Matthew Miller.
Një gjykatë në rajonin Primorsky në lindjen e largët të Rusisë konfirmoi përmes një deklarate të premten se e kishte shpallur fajtor zotin Shonov dhe e kishte dënuar me katër vjet e 10 muaj burg.
Në një video ku lexohet vendimi, e publikuar nga gjykata, shihet zoti Shonov brenda një kafazi ndërsa dëgjon fjalën e gjykatësit.
FSB-ja ruse publikoi një video në gusht të vitit 2023 që tregonte një rrëfim të supozuar nga zoti Shonov ku thoshte se dy diplomatë të lartë amerikanë, me seli në Moskë të dëbuar më pas nga Rusia, i kishin kërkuar atij që të mblidhte të dhëna në lidhje me përpjekjet e Rusisë për luftën në Ukrainë, aneksimin e territoreve të reja, mobilizimin ushtarak dhe zgjedhjet presidenciale të vitit 2024.
Në videon e regjistruar nga FSB-ja, zoti Shonov tregonte se i ishte thënë që të mblidhte të dhëna “negative” për këto objektiva, që të studionte shenja të protestave popullore dhe t’i pasqyronte të dhënat në raportet e tij. Nuk është e qatë nëse ai ishte detyruar t’i bënte këto aludime.
Zoti Shonov punoi në Konsullatën e Përgjithshme të Shteteve të Bashkuara në Vladivostok për më shumë se 25 vjet. Në vitin 2021 Rusia dha urdhër për pushimin nga puna të personelit lokal që punonte për konsullatën amerikane.
Marrëdhëniet midis Moskës dhe Uashingtonit kanë rënë në nivelin më të ulët për dekada për shkak të luftës së Rusisë ndaj Ukrainës./ VOA
Lajme të tjera
-
NATO trajnon trupat ushtarake ukrainase në Lituani dhe Poloni
22 Dhjetor, 21:59 -
Kryeministri sllovak Fico takon Putinin, në një vizitë të rrallë nga një udhëheqës i BE-së në Moskë
22 Dhjetor, 21:25 -
Sulmi me dron në Kazan, Putin kërcënon sërish Ukrainën: Do përballen me shkatërrime më të mëdha ata që përpiqen të shkatërrojnë diçka në vendin tonë
22 Dhjetor, 16:45 -
Kina thotë se SHBA-ja po 'luan me zjarrin', për shkak të mbështetjes së Tajvanit
22 Dhjetor, 15:15 -
Trump emëron të dërguarin e posaçëm në Mbretërinë e Bashkuar
22 Dhjetor, 09:28 -
Dronët godasin ndërtesa të larta në Kazan të Rusisë
21 Dhjetor, 21:07 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Biden nënshkruan ligjin për financimin e qeverisë, shmanget mbyllja e pjesshme e saj
21 Dhjetor, 19:23 -
Bazë e re ushtarake e SHBA-së në Poloni! Sistemi i ri për mbrojtjen nga raketat përforcon krahun lindor të NATO-s
21 Dhjetor, 18:42 -
Trump do t’u kërkojë vendeve të NATO-s të rrisin shpenzimet për mbrojtjen në 5% të PBB-së
21 Dhjetor, 16:55 -
Spahiu: Të gjitha partitë opozitare në Kosovë janë afruar më shumë me Shqipërinë sesa Vetëvendosja!
21 Dhjetor, 16:44 -
Ukraina godet me dronë në thellësi të territorit rus
21 Dhjetor, 15:40
