Rusia do të mbyllë 3 ditë gazsjellësin Nord Stream 1, Evropa pasiguri energjetike

Për tre ditë rresht në fund të muajit gusht, Rusia do të ndalojë furnizimet me gaz natyror në Evropë përmes tubacionit të saj kryesor në rajon Nord Stream 1. Ky vendim rrit më tej presionin mbi shtetet evropiane të cilat kërkojnë të plotësojnë rezervat përpara dimrit.

Gazprom tha se mbyllja ishte për shkak se i vetmi kompresor i mbetur i tubacionit kërkon mirëmbajtje. Edhe flukset e gazit që kalojnë përmes rrugëve të tjera të tubacioneve kanë rënë qëkur Rusia pushtoi Ukrainën në shkurt.

Masa do të sjellë përçarje të mëtejshme veçanërisht për Gjermaninë, e cila varet kryesisht nga dërgesat e Rusisë për të furnizuar industrinë e saj. Bashkimi Evropian ka akuzuar Rusinë për përdorimin e energjisë si armë. Moska e ka mohuar akuzën dhe ka fajësuar sanksionet për rënien e eksporteve.

Lajmi kryesor:

Lufta/Shpërthime të fuqishme gjatë natës! Droni ukrainas godet selinë e marinës ruse në Sevastopol! Moska tenton ta rrëzojë, por dështon (VIDEO)

SI.E./Shqiptarja.com

TAG:
• rusia sulmon ukrainen
• lufta ne ukraine