Presidenti rus Vladimir Putin kërcënoi se do të ndërpresë të gjitha dërgesat e energjisë në Evropë, nëse Brukseli vazhdon me propozimin për të kufizuar çmimin e gazit rus, në një fjalim luftarak duke deklaruar se Rusia nuk do ta humbiste luftën në Ukrainë.
Fjalimi erdhi pasi presidenti ukrainas Volodymyr Zelenskiy raportoi "lajme të mira" nga fronti afër Kharkiv-it në lindje, ku tha se disa vendbanime ishin rimarrë pasi të dyja palët raportuan për luftime të rënda në rajon.
Zyrtarët ukrainas dhe pro-rusë thanë se pati luftime rreth qytetit Balakleiia rreth 60 km (38 milje) në juglindje të Kharkiv-iz, me raporte të pakonfirmuara për humbje të mëdha të forcave ruse.
Reuters nuk ishte në gjendje të verifikonte llogaritë e fushëbetejës, por Yuri Podolyak, një ukrainas i cituar shpesh nga zyrtarët pro-rusë, tha se trupat ruse ishin të befasuar nga përparimi ukrainas.
Një shpërthim në një termocentral pranë Odesës në jug, ndërkohë, ndërpreu furnizimin me energji elektrike për 360.000 njerëz, tha një zëdhënës i administratës rajonale.
Putin tha në një fjalim të mërkurën në një forum ekonomik në Lindjen e Largët të Rusisë se Rusia nuk do të humbasë atë që ai e quan "operacionin e saj special ushtarak" në Ukrainë.
Ai kërcënoi se do të ndalonte të gjitha furnizimet me energji në Evropë nëse Brukseli vazhdon me kufirin e propozuar të çmimit të gazit rus, hapi i fundit i Perëndimit për të privuar Kremlinin nga fondet që çojnë në financimin e luftës.
Forcat ruse gjatë natës qëlluan me raketa dhe artileri të rëndë disa qytete në disa rrethe, duke vrarë shtatë civilë, duke plagosur të tjerë dhe duke dëmtuar më shumë se një duzinë shtëpi dhe ndërtesa, thanë të enjten autoritetet lokale ukrainase.
"Nata ishte plot alarme dhe granatime" shkroi guvernatori rajonal i Zaporizhzhia Valentyn Reznichenko në Telegram. Ai tha se të paktën 11 shtëpi dhe ndërtesa të tjera u dëmtuan, por nuk pati raportime për të lënduar.
Ministrat e Energjisë së BE-së do të mbajnë një takim urgjent të premten për të diskutuar një kufi për çmimin r gazit rus.
Kreu i Agjencisë për Energji Bërthamore të Ukrainës, Enerhoatom, akuzoi trupat pushtuese ruse në centralin e Zaporizhias për torturimin dhe vrasjen e disa punonjësve dhe për rrëmbimin e 200 pjesëtarëve të stafit. Presidenti i Enerhoatom, Petro Kotyn, i tha gazetës gjermane Funke se ai nuk e di se ku gjenden disa prej punonjësve të rrëmbyer.
Këto akuza vijnë në kohën e raportimeve për granatime të reja përreth gjashtë reaktorëve të centralit, teksa komuniteti ndërkombëtar ka shprehur shqetësimet për një katastrofë të mundshme bërthamore.
Kotyn tha se forcat pushtuese po kontrollojnë stafin e centralit për të kuptuar se besnikë të cilit shtet janë. Ai tha se të gjitha këto abuzime e kanë bërë shumë të vështirë për 1.000 punëtorët që ende gjenden në Zaporizhia, që të operojnë me këtë central, që është më i madhi në Evropë. Rreth 11.000 persona punonin në Zaporizhia para se centrali të binte nën kontrollin rus në mars të këtij viti, disa ditë pasi Moska nisi pushtimin e paprovokuar të Ukrainës.
Agjencia Ndërkombëtare për Energji Bërthamore raportoi gjatë kësaj jave se inspektimi i fundit në Zaporizhia tregoi se në këtë central ka një situatë të paqëndrueshme dhe duhen ndërmarrë “masa urgjente” për të shmangur një aksident bërthamor. Kjo agjenci ka paralajmëruar se mungesa e stafit dhe stresi me të cilin përballen punëtorët, rrezikojnë që të shkaktojnë edhe probleme në operimin e centralit.
Dy prej 14 inspektorëve të OKB-së po vazhdojnë të qëndrojnë në Zaporizhia për të monitoruar situatën e sigurisë.Më 7 shtator, Agjencia Ndërkombëtare për Energji Bërthamore tha se “granatimet kanë dëmtuar linjat elektrike të Zaporizhias”, duke shtuar se këto dëme minojnë sigurinë bërthamore në këtë uzinë./REL
Lajme të tjera
-
Poloni, fermerët bllokojnë kalimin kufitar me Ukrainën
23 Nëntor, 20:39 -
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33 -
Zelensky: Po punojmë në zhvillimin e sistemeve të reja të mbrojtjes ajrore
22 Nëntor, 20:53 -
Putin paralajmëron se Rusia do të vazhdojë të testojë raketën e re balistike: Po na krijohen kërcënime!
22 Nëntor, 19:36 -
Parlamenti i Ukrainës pezullon punimet përballë kërcënimit të sigurisë nga Rusia
22 Nëntor, 18:00 -
Përdorimi i raketave të avancuara nga Rusia, sinjal për Perëndimin
22 Nëntor, 07:40 -
Dokumenti sekret/ Gjermania përgatitet për luftë botërore, gazeta gjermane zbulon planet e Berlinit
21 Nëntor, 17:47
-
VIDEO/ Zëdhënëses ruse i bie telefoni në konferencë: Mos fol për sulmin me raketë balistike ndërkontinentale ndaj Ukrainës
21 Nëntor, 15:53
