Politikanët rusë kanë miratuar një projektligj që ndalon çdo "ndërhyrje mjekësore që synon ndryshimin e gjinisë të një personi edhe në dokumentat zyrtare dhe të dhënat publike”, në sulmin më të fundit ndaj të drejtave LGBT në vend.
Versioni i ashpërsuar i projektligjit u miratua njëzëri të premten në leximin e tretë dhe të fundit në dhomën e ulët të parlamentit të Rusisë, Duma e Shtetit. Përjashtimi i vetëm do të jetë ndërhyrja mjekësore për trajtimin e anomalive kongjenitale.
Projektligji duhet të miratohet nga Këshilli i Federatës, dhoma e sipërme e kontrolluar nga Kremlini i Rusisë, e cila përgjithësisht vulos legjislacionin që Duma ka miratuar, përpara se të nënshkruhet në ligj nga Presidenti rus Vladimir Putin.
Ajo ka tronditur komunitetin transgjinor të vendit dhe ka marrë kritika jo vetëm nga mbrojtësit e të drejtave LGBTQ, por edhe nga personeli mjekësor.
“Proçedurat e ndryshimit të gjinisë nuk duhet të ndalohen tërësisht, sepse ka njerëz për të cilët është mënyra e vetme për të ekzistuar normalisht dhe për të gjetur paqen me veten e tyre”, tha Vinogradova.
Kryetari i Dumës së Shtetit, Vyacheslav Volodin, deklaroi në mediat sociale: "Ky vendim do të mbrojë qytetarët tanë dhe fëmijët tanë".
Ai vuri në dukje atë që ai e përshkroi si një tendencë në rritje të ndryshimit të gjinisë në Shtetet e Bashkuara dhe pretendoi se kjo po çonte në "degjenerimin" e vendit.
"Kjo është e papranueshme për ne," shtoi ai, duke shpjeguar pse ndalimi i propozuar kishte fituar mbështetjen e dhomës së ulët.
Goditja ndaj personave LGBTQ filloi një dekadë më parë kur Putini për herë të parë shpalli fokusin në "vlerat tradicionale të familjes", një lëvizje e mbështetur dhe e nxitur, në një masë të caktuar nga Kisha Ortodokse Ruse.
Në vitin 2013, Kremlini miratoi legjislacionin e parë që kufizon të drejtat LGBTQ, i njohur si ligji i "propagandës së homoseksualëve" që ndalonte çdo miratim publik të "marrëdhënieve seksuale jotradicionale" midis të miturve. Në vitin 2020, Putin shtyu një reformë kushtetuese që shpalli të paligjshme martesat e të njëjtës gjini.
Yan Dvorkin, një psikolog 32-vjeçar që drejton një OJQ ruse që ndihmon transgjinorët e quajtur “Centre T”, i tha agjencisë së lajmeve AFP përpara votimit të së premtes se ishte i shqetësuar për një rritje të mundshme të vetëvrasjeve si rezultat i projektligjit.
Lajme të tjera
-
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
VIDEO/ Mirlind Daku shënon dy gola në Rusi, ia dedikon Martinit: Ai shndrit parajsën
23 Nëntor, 22:43 -
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33 -
Zelensky: Po punojmë në zhvillimin e sistemeve të reja të mbrojtjes ajrore
22 Nëntor, 20:53 -
Parlamenti i Ukrainës pezullon punimet përballë kërcënimit të sigurisë nga Rusia
22 Nëntor, 18:00 -
Rusia thyen sanksionet, i jep Koresë së Veriut 1 mln fuçi me naftë: Pagesë për armët dhe trupat që Pheniani i ka dërguar Moskës
22 Nëntor, 11:35
-
SHBA-ja sanksionon bankën ruse, Gazprombank
21 Nëntor, 22:45
