“Rusia mund të përdorë njerëzit si armë”, paralajmërimi i frikshëm i Gjermanisë

Ministrja e Jashtme e Gjermanisë, Annalena Baerbock, paralajmëroi të shtunën se Rusia mund të përpiqet të nxisë përçarje në Perëndim përmes refugjatëve, pasi Moska kërkon të zgjerojë "luftën hibride".

"Kjo luftë nuk bëhet vetëm me armë, po bëhet edhe me energji dhe për këtë kemi gjetur një përgjigje. Por do të bëhet edhe me frikë dhe përçarje, dhe kjo është pikërisht ajo që duhet të parandalojmë", tha ajo në një kongres Partisë së Gjelbër.

"Në këtë situatë është e qartë se çfarë do të ndodhë më pas - refugjatë dhe jo refugjatë nga Ukraina... por për shkak se kjo luftë është hibride, vende të tjera po marrin pjesë gjithashtu", tha Baerbock, duke përmendur Serbinë të cilën ajo e akuzoi se kishte futur në aeroplanë migrantë pa viza.

Duke theksuar se nuk mund të ketë një situatë "ku njerëzit po përdoren si armë", ministrja tha se Gjermania është në bisedime me Republikën Çeke dhe Sllovakinë për këtë çështje.

Lajmi kryesor:

Nuk performoi për Rusinë, ushtria ruse vret dirigjentin ukrainas! Kina-bashkëkombësve: Largohuni nga Ukraina

K.T./Shqiptarja.com

TAG:
• Zaporizhzhia
• rusia sulmon ukrainen
• lufta ne ukraine