Rusia përdor simblon ‘Z’ në luftë, Ukraina: Të shpallet i paligjshëm

Ukraina u ka bërë thirrje shteteve që të dënojnë penalisht përdorimin e simbolit ‘Z’, i cili konsiderohet si mbështetje për luftën e Rusisë në Ukrainë. Fillimisht e përdorur në tanket ruse që kanë hyrë në Ukrainë, shkronja ‘Z’ besohet se ka kuptimin "za pobedu" (për fitore) dhe është miratuar nga rusët si shenjë për miratim të pushtimit.

Tri lande gjermane, Berlini, Bavaria dhe Saksonia e Ulët – tashmë kanë thënë se kushdo që përdor simbolin për të promovuar luftën, mund të dënohet me deri tre vjet burgim.

Ministria e Brendshme gjermane ka paralajmëruar se ata që e prezantojnë simbolin për të “mbështetur” pushtimin “mund të ndiqen penalisht”.

Ministri i Jashtëm ukrainas, Dimitry Kuleba, u ka bërë thirrje dhe vendeve tjera që të ndjekin shembullin e Gjermanisë.

“’Z’ nënkupton krimet ruse të luftës, bombardim të qyteteve, mijëra ukrainas të vrarë. Duhet të ndalohet mbështetja publike e këtij barbarizmi”, ka thënë Kuleba në një postim në Twitter.

Simboli është parë në disa ndërtesa në Gjermani, si dhe në bluza, flamuj dhe makina. Ky simbol është parë edhe në shtetet tjera. Lituania është në mesin e shteteve që është duke shqyrtuar mundësinë e ndalimit të përdorimit të simbolit. Nëse miratohet, ata që shihen me të mund të dënohen me 500 euro gjobë.

Lajmi kryesor:

Lajm i mirë nga Stambolli/ Ukraina i thotë 'po' neutralitetit me garanci, Rusia premton uljen e aktivitetit ushtarak rreth Kievit dhe Chernikiv! Sulmohet ndërtesa e qeverisë në Mykolaiv, 12 të vdekur

SI.E./Shqiptarja.com

TAG:
• ukraine
• Rusi
• rusia sulmon ukrainen