Rusia ka provokuar Shtetet e Bashkuara të Amerikës duke testuar, sipas saj, një raketë bërthamore. Sipas qeverisë amerikane, Rusia ka shkelur traktatin e nënshkruar gjatë Luftës së Ftohtë në vitin 1987 duke lëshuar raketa me rreze të mesme që shkojnë mes 500 deri në 5500 km.

Një zyrtar amerikan thotë se “testimi i raketave ishte një çeshtje shumë serioze të cilën po përpiqen ta trajtojnë me Rusinë”. Zyrtarët amerikanë thonë se çështja ka shkuar deri aty sa presidenti amerikan Barack Obama i ka shkruar një letër homologut rus, Vladimir Putin. Kjo është hera e parë që qeveria amerikanë ka publikuar akuzat edhe pse një veprim i tillë është përsëritur vite më parë.

Traktati i 1987 ka në qendër përpjekjen amerikano-ruse të kontrollit të armëpve. Pretendimet e SHBA vijnë në një kohë tensionesh me Rusinë e cila fajësohet nga Uashingtoni për përfshirje konfliktin në Ukrainë.

Redaksia Online
(e.c/shqiptarja.com)