Rusia dhe Ukraina kryejnë sulme ndaj njëra-tjetrës, 5 të vrarë! Putin: Vendimet e marra në shkurt 2022 ishin të sakta dhe në kohën e duhur

Foto: Maria Zakharova

Marrëdhëniet ruso-amerikane do të pësojnë "dëme të pariparueshme" nëse Shtetet e Bashkuara vendosin të transferojnë raketat Tomahawk në Kiev, paralajmëroi zëdhënësja e Ministrisë së Jashtme ruse, Maria Zakharova, në një konferencë për shtyp.

 "Vendimi i administratës amerikane, nëse miratohet përfundimisht, jo vetëm që rrezikon të shkaktojë një spirale përshkallëzimi, por do të shkaktojë edhe dëme të pariparueshme në marrëdhëniet ruso-amerikane, të cilat sapo kanë filluar të tregojnë shenja të rifillimit të dialogut dypalësh", tha zëdhënësja, duke komentuar deklaratën e Presidentit të SHBA-së Donald Trump se "ai, në një farë mënyre, tashmë ka marrë vendimin për të furnizuar Ukrainën me raketa Tomahawk".

Moska shpreson që Uashingtoni do t'i kushtojë vëmendje sinjaleve të saj në lidhje me transferimin e mundshëm të raketave Tomahawk në Ukrainë, vuri në dukje Zakharova.

"Ne po monitorojmë nga afër zhvillimet dhe kërkojmë përmbajtje maksimale në trajtimin e kësaj çështjeje jashtëzakonisht të ndjeshme, e cila mund ta ndërlikojë ndjeshëm kërkimin për një zgjidhje për konfliktin ukrainas. Dhe shpresojmë që sinjalet tona do të merren në Uashington", tha Zakharova.

Foto: Sergei Ryabkov

Rusia përsëriti sërish propozimin e saj drejtuar SHBA-së - e cila ende nuk është përgjigjur - për të ruajtur për një vit kufirin e numrit të raketave strategjike të përcaktuara në traktatin e New Start. Afati skadon shkurtin e ardhshëm, me kusht që Shtetet e Bashkuara të mos miratojnë masa që mund të perceptohen nga Moska si "një përpjekje për të ndikuar negativisht" në "potencialin e saj të parandalimit bërthamor".

Vendimi përfshin vendosjen e sistemeve të mbrojtjes anti-raketore në hapësirë, tha zëvendës Ministri i Jashtëm Sergei Ryabkov. 

"Propozimi rus është i vlefshëm me kusht që "Shtetet e Bashkuara të mos ndërmarrin masa gjatë këtij viti që mund të dëmtojnë barazinë dhe ekuilibrin ekzistues në fushën e stabilitetit strategjik", theksoi Ryabkov.

Kjo do të thotë, shtoi zëvendësministri, se Uashingtoni "nuk miraton masa në fushën e mbrojtjes strategjike të raketave që ne mund t'i perceptojmë si një përpjekje për të ndikuar negativisht në potencialin tonë kombëtar të parandalimit bërthamor". Kjo duhet të përfshijë që SHBA-të të përmbahen nga ndërmarrja e iniciativave për të "lançuar ose vendosur sisteme përgjimi anti-raketore në hapësirë".

Moska i kërkon Shteteve të Bashkuara një qëndrim “të arsyeshëm dhe të përgjegjshëm” lidhur me mundësinë e dërgimit të raketave Tomahawk në Ukrainë, duke theksuar se një veprim i tillë do të përbënte një ndryshim rrënjësor të situatës. Kështu deklaroi zëvendësministri i Jashtëm rus, Serghei Ryabkov, i cituar nga agjencia Interfax. Shtetet e Bashkuara, shtoi Ryabkov, duhet të përmbahen nga nisma strategjike që Rusia mund t’i konsiderojë si përpjekje për të ndikuar në kapacitetin e saj të zmbrapsjes bërthamore.