POP 5

Lajmet më të lexuara të 5 minutave të fundit

Bota

Rusia shqyrton konfiskimin e pasurisë së kritikëve të ushtrisë

Rusia do të debatojë për një projektligj, javën tjetër, që parasheh konfiskimin e parave, pronave dhe aseteve me vlerë të secilit që dënohet për përhapje të “gënjeshtrave” për ushtrinë e shtetit, ka thënë udhëheqësi i Dhomës së Ulët të Parlamentit, Vyacheslav Volodin

Rusia shqyrton konfiskimin e pasurisë së kritikëve të ushtrisë

Ndërtesa e Parlamentit në Rusi

Rusia do të debatojë për një projektligj, javën tjetër, që parasheh konfiskimin e parave, pronave dhe aseteve me vlerë të secilit që dënohet për përhapje të “gënjeshtrave” për ushtrinë e shtetit, ka thënë udhëheqësi i Dhomës së Ulët të Parlamentit, Vyacheslav Volodin.

Moska i ka bërë të paligjshme kritikat ndaj ushtrisë, pak pas nisjes së luftës në Ukrainë, në shkurt të vitit 2022, dhe i ka ndaluar mijëra kundërshtarë të konfliktit prej atëherë.

Projektligji, i cili sipas mediave shtetërore gëzon mbështetjen e të gjitha fraksioneve parlamentare, do të prezantohet në Parlament të hënën.

“Secili që tenton të shkatërrojë Rusinë dhe ta tradhtojë atë, duhet të marrë ndëshkimin e merituar, dhe t’ia kompensojë pronën shtetit”, ka shkruar ai në Telegram.

Sopas Volodinit, masa synon të ndëshkojë ata që “hedhin baltë në shtetin tonë, ushtarët tanë dhe oficerët që po shërbejnë në operacionin special ushtarak”.

Akuza për përhapje të “informacionit të rremë” për ushtrinë, është e ndëshkueshme me burgim me deri 15 vjet, dhe është përdorur prej autoriteteve për të shtypur disidentët.

Sipas ligjit, informacioni për ofensivën në Ukrainë, që nuk e ka burim Qeverinë ruse, mund të konsiderohet “i rremë”.

Presidenti rus, Vladimir Putin e quan luftën “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL

 

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03