Rusia ka vijuar sulmet ajrore me dronë e raketa gjatë natës në Ukrainë.

Sipas mediave të huaja, një ukrainas u vra dhe nëntë të tjerë u plagosën pas një sulmi ajror rus në një zonë banimi të Kharkivit.

Kryetari i bashkisë së Kharkivit, Igor Terekhov, shkroi në Telegram. "Fatkeqësisht, gjatë operacioneve të kërkim-shpëtimit, trupi i një personi të ndjerë u gjet nën rrënojat e ndërtesës së shkatërruar".

Të paktën nëntë persona u plagosën në sulmin e natës, tha Oleg Synegoubov, kreu i administratës ushtarake të Kharkivit.

Ndërkohë ‘Ukrainska Pravda’ raporton se Presidenti ukrainas Volodymyr Zelensky ka deklaruar se udhëheqësi bjellorus Alexander Lukashenko ka një javë kohë për të hequr sistemet e përdorura për të drejtuar sulmet me dronë rusë kundër qyteteve ukrainase, përndryshe sipas tij, Ukraina do ta "bëjë" vetë.

"Sot, ka përsëritës rusë në kullat bjelloruse, përsëritës bjellorusë. Çfarë ndryshimi bën kjo për ne? Në territorin e saj, në dy oblaste që kufizohen me Ukrainën, ka pajisje që drejtojnë sulmet kundër civilëve ukrainas, konkretisht civilëve", tha Zelensky.