Rusia tërhoqi disa trupa nga kufiri me Ukrainën, Biden: Mbetet për t'u verifikuar! Mundësia e një sulmi shumë e lartë

Rusia njoftoi tërheqjen e një disa trupave nga kufiri me Ukrainën, por Presidenti i SHBA, Joe Biden beson se mundësia që të ndodhë një sulm është shumë e lartë dhe se kostoja njerëzore do të ishte shumë e madhe.

Komentet Biden i bëri në televizionin kombëtar në SHBA, teksa theksoi edhe njëherë se ata do t'i përgjigjen me vendosmëri një lëvizje të tillë.

Biden u shpreh po ashtu se largimi i forcave ruse do të ishte një lajm shumë i mirë, por ende nuk është verifikuar.

"Në të vërtetë analistët tregojnë se ata janë në një pozicion kërcënues".

Prej kohësh ekziston shqetësimi se, në vend të një pushtimi në shkallë të plotë, Rusia mund të përdorë mjete më pak të dukshme për të destabilizuar Ukrainën, për shembull përmes sulmeve kibernetike në infrastrukturën kritike. Presidenti Biden tha të martën se Shtetet e Bashkuara ishin të përgatitura për t'iu përgjigjur edhe çdo lëvizjeje të tillë.

Putin gjithmonë ka mohuar planifikimin e një pushtimi dhe tha se Rusia nuk dëshiron një luftë tjetër në Evropë. Megjithatë, tensionet janë rritur që nga nëntori.

Pas raporteve të mëparshme se inteligjenca amerikane besonte se Rusia mund të sulmonte Ukrainën më 16 shkurt, presidenti ukrainas Volodymyr Zelensky e shpalli atë si një ditë uniteti, duke u bërë thirrje qytetarëve të valëvisin flamurin e vendit dhe të veshin me ngjyrat kombëtare të Ukrainës.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Euro 2024/ Anglia i falet Bellingham, 'Tre Luanët' mposhtin 0-1 Serbinë

Euro 2024/ Anglia i falet Bellingham, 'Tre Luanët' mposhtin 0-1 Serbinë