POP 5

Lajmet më të lexuara të 5 minutave të fundit

Politikë

S`kanë deklaruar pasuritë, ja 35
zyrtarët që gjobiten nga ILDKP

Zbardhet lista me emrat e 35 zyrtarëve të lartë, për shkak të mos deklarimit të pasurive të tyre. Grida Duma penalizohet me 50 mijë lekë (Ne foto: Zana Xhuka)
217 zyrtarë nuk justifikuan pasurinë
VIDEO/Xhuka flet për letrën e punonjësve
TIRANE- Inspektoriati i Deklarimit dhe Kontrollit të Pasurive ka gjobitur 35 zyrtarë për mos deklarim të pasurive së tyre, sipas afateve të vendosura nga ky institucion. Në listën prej 35 emra përfshihen emra ish-deputetësh të forcave të ndryshme politike, apo dhe drejtorë të përgjithshëm, doganier, ambasadorja në Brazil si dhe kryetar komunash. Këto subjekte janë gjobitur nga ky institucion me shumën prej 50 mijë lekësh të reja, kjo për mosdorëzim të deklaratës së interesave private periodik/vjetor 2012.

Bëhet fjalë për ish-deputetët Anduel Xhindi, Enkelejda Shkreli, Fatbardh Kadilli, Gjok Uldedaj. Ambasadorja jonë në Brazil, Tatjana Gjonaj. Pjesë e subjekteve të gjobitura është dhe ish-zëvendës ministrja e Integrimit, Grida Shqina (Duma). “Subjektet u njoftuan në mënyrë shkresore kundrejt detyrimit të tyre ligjor për dorëzimin e deklaratës fizike në ILDKPK. Me përfundimin e afatit të përcaktuar me ligj, 31 mars 2013 dhe të afatit të dytë në njoftimin shkresor, që datë 15 gusht 2013, rezulton se 35 subjekte nuk kanë dorëzuar deklaratën e interesave private periodik/vjetor 2012, lista bashkangjitur”, tha gjatë fjalës së saj kryetarja e ILDKP.

Kryeinspektorja, Zana Xhuka deklaroi gjatë ditës së sotme se verifikimet janë ende në proces ndërsa është duke pritur nga parlamenti vlerësimin për punën e këtij institucioni pas raportit të dorëzuar në muajin shkurt. E pyetur në lidhje me denoncimin publik të stafit të ILDKP-së për abuzime në marrëdhëniet e punës me ta nga vetë Xhuka, kjo e fundit u përgjigj se, nuk mund komentonte një letër anomime. “E kam lexuar edhe unë si çdo qytetar këtë letër dhe do më vinte mirë që ajo të kishte emra në të”, ishte deklarata e Kryeinspektores, Zana Xhuka. Sipas këtij instutucioni, në zbatim të urdhërit të Inspektorit të Përgjithshëm nr. 708, datë 12.03.2013, njofton se: subjekte deklarues deri më datën 31 mars 2013 janë 4670, pra 99.23% kanë përmbushur në kohë detyrimin e tyre ligjor.

lista e 35 subjekteve te gjobitura

Në përfundimin e afatit të përcaktuar, rezulton se 217 subjekte janë në pa dorëzim të dokumentave. Inspektori i Përgjthshëm, ka vendosur se për subjektet e mësipërme, sanksioni ligjor gjobitje në masën 50.000 lekë deri në 100.000 lekë kundrejt subjekteve pa dokumente justifikuese do të zbatohet në përfundim të kontrollit aritmetiko logjik, duke lënë mundësinë e dërgesës së dokumenteve gjatë këtij procesi, duke qënë se ky është viti i parë i implementimit të kërkesave të reja ligjore.

Shkrimi u publikua sot (05.10.2013) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Në pranga shoferi i droguar në Vorë, bllokoi rrugën me makinë dhe kërcënoi efektivët

Në pranga shoferi i droguar në Vorë, bllokoi rrugën me makinë dhe kërcënoi efektivët

11 Janar, 13:56