POP 5

Lajmet më të lexuara të 5 minutave të fundit

Kronikë

Sa më luksoze makina, aq më arrogant shoferi e aq më i pafuqishëm shteti

S’di të thuash nëse këto shkelje i bënte nga që ishte i ri e me natyrë të papërmbajtur apo ngaqë komoditeti që i kishte krijuar i ati biznesmen, përfshi dhe Audin 100 mijësh, i kishin mbushur mendjen se ishte i veçantë, tejet e zoti dhe mbi të tjerët.

Sa më luksoze makina, aq më arrogant shoferi e aq më i pafuqishëm shteti

Një familje me 4 antarë: babë, nënë dhe dy bija,7 dhe 14 vjeç, u shua në autostradën Fier – Vlorë. Kishin ardhur nga Greqia ku prindrit punonin si emigrantë dhe, pasi kishin vizituar të afërmit në Patos, qenë nisur për pushime. Por fati e deshi që të bënin pushimin e përjetshëm. Aksident automobilistik, thoshte lajmi.

Në fakt nuk ishte aksident automobilistik, madje nuk qe as fati që solli fundin e tyre të dhimbshëm. Ishte një 22 vjeçar, me një Audi 100 mijë euroshe, që po e ngiste me 200 km në orë dhe erdhi e u përplas nga prapa me Nisanin e emigrantit.

Parë kështu kjo është vrasje e jo aksident. Madje nuk ishte rastësi që rioshi kishte tejkaluar gati dy herë limitin e shpejtësisë dhe grahte si të ishte në pistë aeroporti.

Policia thotë se nuk e kishte për herë të parë, ishte gjobitur dy herë për tejkalim shpejtësie dhe një herë tjetër për kalim të gabuar semafori.

Dhe s’di të thuash nëse këto shkelje i bënte nga që ishte i ri e me natyrë të papërmbajtur apo ngaqë komoditeti që i kishte krijuar i ati biznesmen, përfshi dhe Audin 100 mijësh, i kishin mbushur mendjen se ishte i veçantë, tejet e zoti dhe mbi të tjerët.

Po mbase shkeljet i bënte në harmoni me aforizmin alla shqiptar: sa më luksoze makina, aq më arrogant i zoti dhe aq më … servil polici.

Problemi është se harxhet si rregull i paguan fukaraja dhe, kur zullumi trashet, paguan në përmasa tragjike. Të kamurit e ‘të fortët’ shumë paguajnë nën dorë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 27/06/2021 01:43

    Prite kur t'ia hedhe me gjykim te shkurtuar: 20 vjet ulen,le te themi ne 18;18 vjet me amnistite e ndryshme behen 15;15 behen 10 per <<sjellje te mire>>;10 ulet ne 5 per <<menopauze mashkullore>> e <<rekomanduar me raport>> nga ndonje mjek shtoi ketu dhe ndonje darovitje nga babaka dhe kete trimin e kemi jashte me <<arrest shtepie>> pas 4-3 e 1/2 vjet.Dhe <<drejtesia>> u vu ne vend.

    Përgjigju
  • Ervin Leka: 26/06/2021 08:17

    Bravo i ke ren pikes.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

24 Nëntor, 11:21