Pas çdo arrestimi, gjykimi apo hetimi nga SPAK-u, shqiptarët po zbulojnë çdo ditë dhe më tepër “malin” e madh të korrupsionit që ka mbytur Shqipërinë, institucionet, strukturat ligjzbatuese, etj..Sa shumë korrupsion është grumbulluar në vendin e “shqiponjave”, ndoshta nuk ka patur në asnjë vend tjeter postkomunist. Dhe arsyet dihen.
Prej afro 3 dekadash mungesa e shtetit, zbatimit të ligjit, mungesa e angazhimeve maksimale të strukturave hetimore, gjurmuese, dhe gjykuese, ka sjellë trashjen e korrupsionit në çdo qelizë të shtetit. Po zbulohen afera korruptive të para 20-25 viteve, po zbulohen afera kriminale të para 10 apo 15 viteve, sikur të mos kishte akzistuar kurrë shteti, prokuroritë, gjykatat, policia, etj…
Sa shumë korrupsion, sa i frikshëm edhe lajmi për përvetësimin e miliona eurove nga ish-pushtetarë, apo dhe pushtetarë të sotëm, të cilët SPAK-u, si e vetmja strukturë që punon fort në drejtësinë e re, që po i kryqëzon para ligjit. Sa shumë korrupsion dhe sa shumë të korruptuar, pothuajse gjithë klasa politike në këtë vend. Dikush e ka bërë korrupsionin kur ka patur postin e lartë, dikush duke urdhëruar “dikë” për të ndihmuar djalin, vajzën, dhëndrin, mikun apo vartësin e tij, duke zhvatur nga paratë e taksapaguesve dhe ato të ish-pronarëve, miliona euro.
Vetëm në Shqipëri ka ndodhur që, një ish-kryeministër, ish-ministër, ish-zv.minister, apo ish-deputet, të ketë vjedhur me dy duart, dhe të mos e ketë thirrur 1 herë të vetme prokuroria. Vetëm në Shqipëri, deri para 2-3 vitesh, edhe më i korruptuari, edhe më i inkriminuari, i veshur me mandat apo imunitet politik, të krekosej “majë karriges” duke akuzuar dhe duke nxitur përplasje sociale. Koha e tyre mori fund. Sot po arrestohen edhe ministrat e qeverisë Rama, po arrestohen edhe ata që dikur kryeministri u kishte besuar postin, apo drejtimin e bashkive dhe institucioneve të tjera shtetërore, dhe po dënohen për korrupsion apo lidhje me krimin.
Koha e mosndëshkimit ka marrë fund. Dhe kjo ndoshta është një pikënisje e mbarë, dhe plotesim i dëshirës së qindra e mijëra shqiptareve që kanë 32 vjet që ç’filiten dyerve të gjykatave. Një miku im, që sot punon në organet hetimore më tha njëherë se “sikur të dalin gjithë vjedhjet dhe abuzimet e politikaneve nga dyert e institucioneve të drejtësisë, do të duheshin të paktën 5 burgje si ai i Peqinit, dhe nuk mjaftonin”. Është e paimagjinueshme të mendosh sa janë vjedhur, sa janë zhvatur, sa janë përlarë dhe përvetësuar në 32 vjet nga ish-kryetare komunash, ish-kryetare bashkish, ish-ministra, deputete, ish-kryeministra, dhe askush deri sot nuk është dënuar.
Ata kanë “notuar” në miliona euro, kanë sot vila, pallate, resorte, fabrika , troje dhe toka në fshatra dhe qytete. Zbulimi i korrupsionit në strukturat e Policisë së Shtetit nga Taulant Balla, ishte ndoshta më e paimagjinueshmja. Shefa komisariati, drejtore policie në rrethe, shefa krimesh, policë të thjesht, të lidhur me krimin, trafiqet dhe korrupsionin. Katharsis që po ndodh sot në Policinë e Shtetit, krahas goditjeve nga SPAK-u në politikë, mbeten sfidat e radhës për qeverisjen e Edi Ramës, mbeten betejat e ashpëra mes tij dhe “urithëve dhe mamudhëve” të korrupsionit.
Komente
Lajme të tjera
-
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Tiranë/ Shtyhet seanca në GJKKO për Vangjush Dakon, shkak mungesa e avokatëve! Pritej që mbrojtja të jepte konkluzionet
21 Nëntor, 15:06 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02
o zoteri burg per ata dhe keta sot . qe e kane mbyt vendin me afera po vjedhin si asnjihere ma para
Përgjigju