POP 5

Lajmet më të lexuara të 5 minutave të fundit

Opinion

Sa të djathtë janë Berisha dhe Basha?

Mendimi i krijuar në Shqipëri se“të jesh kryetar apo anëtar i Partisë Demokratike, je i djathtë” është i gabuar. Këtë mentalitet dhe psikologji të shtrëmbëruar e krijoi ndër vite Sali Berisha.

Sa të djathtë janë Berisha dhe Basha?

Sali Berisha dhe Lulzim Basha

Mendimi i krijuar në Shqipëri se“të jesh kryetar apo anëtar i Partisë Demokratike, je i djathtë” është i gabuar. Këtë mentalitet dhe psikologji të shtrëmbëruar e krijoi ndër vite Sali Berisha. Ai vinte nga rradhët e PPSH-së, dhe ishte i formuar si komunist,po aq sa vinin të tjerë drejtues më poshtë se si, dhe që u bënë bashkëpunues të zellshëm pushteti të tij, nga dita e themelimit deri ditën kur i u “dorëhoq”. Partia Demokratike (e Sali Berishës) u themelua mbi frymën dhe interesin e kryetarit dhe klanit të tij.

Ajo u themelua si parti-pronë, që edhe pse në programin e saj demagogjik kishte “interesin e ish-pronarëve,ish-të përndjekurve dhe shtresave të djathta”, asnjëherë nuk forcoi dhe përfaqësoi interesat e tyre. Denigrimi, përjashtimi dhe zhgënjimi që pësoi shtresa e djathtë nga Partia Demokratike, ishte një përgjigje e turpshme që ajo mori, pas ardhjes në pushtet të Sali Berishës në Mars 1992 dhe në vazhdim. Edhe pse, të djathtët tradicionalë e mbështetën, e votuan, e ndihmuan dhe i besuan premtimeve të tij, ata kurrë nuk u trajtuan njerëzish,nga Berisha dhe klani i tij pushtetmbajtës.

Dhuna ndaj të djathtës, përdorimi i policisë apo dhe SHIK-ut, ishte dëshmia më e mirë e mashtrimit të Berishës ndaj atyre që besuan se “ai ishte i zbrituri i Zotit në tokë për të sjellë demokracinë dhe ndrequr padrejtësitë në Shqipëri”. Dihet se si u trajtuan ish-pronarët, që u zhvatën, rrahën, rrënuan dhe vdiqën korridoreve të gjykatave, pasi trojet, tokat dhe pasuritë e tyre i rrëmbenin xhupzinjtë e pushtetit të Partisë Demokratike. E djathta, kurrë nuk erdhi, kurrë nuk ka patur dhe kurrë nuk ka konsumuar pushtet në Shqipëri. Shkaktari kryesor,ka qenë dhe mbetet ish-kryetari i Partisë Demokratike Sali Berisha.

Njeriu i pandryshueshëm në botëkuptimin dhe formimin e tij bajraktarist, sot kërkon sërish të afrojë dhe mashtrojë përfaqësonjësit e të djathtës në Shqipëri. Pasi i la rrugëve, i nxorri me shkelma e dhunë nga grevat e tyre vite më parë, pasi i denigroi dhe mashtroi për 2 dekada me “poste dhe ofiqe pasi të merrte pushtetin”, sot nga “Foltorja”, ai u kërkon mbështetje, dhe u premton “vendosje në piedestalin e duhur të dinjitetit të tyre njerëzor”.Por, po aq rradikal me shtresën e të përndjekurve dhe ish-pronarët (sepse të tillë quhen edhe sot pas 30 vitesh) është edhe Lulzim Basha, pasuesi i tij. Një fjalë e urtë thotë “bëmë të të ngjaj”. Kjo ka ndodhur edhe me Lulin, ish-të përkëdhelurin e Berishës. E djathta, është “delja e zezë” për kryetarin aktual të Partisë Demokratike. Ai ka 8 vite që i mashtron, që u premton “futjen në listën e deputetëve” dhe pastaj, nuk u hap as telefonin. Kjo ka ndodhur edhe në zgjedhjet e 25 Prillit 2021, ku Lulzimi “i dha fjalën e burrit” kryetarit tyre për emrat e shoqatës së ish-të përndjekurve politikë,dhe pasi i mashtroi,u mbylli edhe derën e partisë.

Një pikë e veçantë në librin e themelimit të Partisë Demokratike, ishte dikur edhe ajo, ku thuhet se “kjo forcë e re politike përfaqëson zërin dhe shpresat e shtresave të shtypura nga ish-regjimi komunist, ish-pronarëve dhe ish-të përndjekurve”. Por duket se ndihma dhe vota e tyre, u deshën për të fituar pushtetin në 1992, dhe pastaj duke i mashtruar ata edhe në 2005 nga Berisha. Pas tij, ishte rradha e Bashës, që duke ecur saktësisht mbi “shinat e babait politik” ka krijuar ndasi të pariparueshme me të djathtët realë në Shqipëri.Në foltoren e Sali Berishës, kanë qenë të shumtë zërat e atyre që përfaqësojnë të djathtët sot, dhe që i kanë kërkuar llogari atij, për gjithçka ka ndodhur mes tyre dhe Partisë Demokratike në 30 vjet.

Problemi ndoshta është fare i thjeshtë, dhe vetëm pyetja “sa të djathtë janë Berisha dhe Basha” do të mjaftonte të mos votohej për të dy ata, as në 11 apo 18 Dhjetor, për të humbur shansin e “artë”të rithemelimit të një partie të vërtetë demokratike, pa demagogë të konsumuar dhe abuzantë pushtetesh.

 

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Jubileu 2025, Papa Françesku hap derën e shenjtë në burg

Jubileu 2025, Papa Françesku hap derën e shenjtë në burg

26 Dhjetor, 14:42