POP 5

Lajmet më të lexuara të 5 minutave të fundit

Arkiva

Salianji: Do kërkojmë ripërsëritje
të zgjedhjeve në Lezhë

"Një nga kërkesat tani është ripërsëritje të zgjedhjeve për qarkun Lezhë", ka komentuar përfaqësuesi i Partisë Socialiste në KQZ, Eridian Salianji pas rinumërimit të 6 kutive me material zgjedhor të qarkut të Lezhës në KQZ dhe gjetjes së parregullsive zgjedhore.  
TIRANË - "Do tërhiqemi të mendojmë dhe vendosim se çfarë do bëjmë, por një nga kërkesat është ripërsëritje të zgjedhjeve për qarkun Lezhë", ka komentuar për "A1 Report" përfaqësuesi i Partisë Socialiste në KQZ, Eridian Salianji pas rinumërimit të 6 kutive me material zgjedhor të qarkut të Lezhës në KQZ dhe gjetjes së parregullsive zgjedhore.  
 
Salianji ka shpjeguar se PS ka parashtruar problematikën në KZAZ 16 dhe pavlefshmërinë e 6 kutive, ku 4 janë në Laç dhe 2 në Mamurras. "Kishim parashtrime dhe prova. Tani jemi në proces për shqyrtimin. Pamë listat e zgjedhësve dhe protokollet. Konstatojmë se në qendrën e votimit 907, 160 emigrantët fiktivë pothuajse të gjithë kishin votuar".

Ai ka shtuar se "pavlefshmërinë tani e kemi të provuar dhe i mbetet Kolegjit Zgjedhor për të shpallur pavlefshmërinë". "Është Kolegji Zgjedhor duhet ta shpallë të pavlefshëm këtë votim, pasi KQZ nuk ka kuorumin e nevojshëm për ta shpallur këtë pavlefshmëri, pasi duhen 5 vota, që të shpallet e pavlefshme kjo qendër votimi, por KQZ ka 4. Opinioni duhet ta ketë të qartë se çfarë ka ndodhur në ato qendra", theksoi Eridian Salianji. 

Redaksia Online
(mag/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Durrës/ Shpërndante kanabis në lagjet e qytetit, arrestohet një 24-vjeçar

Durrës/ Shpërndante kanabis në lagjet e qytetit, arrestohet një 24-vjeçar

11 Janar, 10:59