Salianji kërkon të mbahet seanca me kryetaren e SHISH me dyer të hapura, godet tavolinën me grusht! Naço: Ke hall se më frikëson mua

 

Deputeti Ervin Salianji ka kërkuar që të seanca në Komisionin e Sigurisë me kryetaren e SHISH Vlora Hyseni të mbahet me dyer të hapura. Por seanca u vendos që të mbahet me dyer të mbyllura.

Në lidhje me këtë vendim, Salianji theksoi se kërkon që të japë mendimin e tij, por kjo nuk u lejua nga kryetari i Komisionit të Sigurisë, Nasip Naço.

Ky reagim i Naços, solli edhe indinjimin e Salianjit, i cili goditi me grushte tavolinën. Naço iu përgjigj duke i thënë se nuk frikësohet nga ky veprim.

Debatet:

Nasip Naco: Ja kam dhënë fjalën zonjës për ta pyetur

Ervin Salianji: Respektoni rregulloren dhe na jepni fjalën

Nasip Naço: Seanca është me dyer të mbyllura

Ervin Salianji: Do shpjegon votën time kundër (Godet me grusht tavolinën)

Nasip Naco: Ti kujton se më lëviz ndonjë qerpik! E më frikëson mua!

Ervin Salianji: Po ti kujton se…po mirë nuk ke për të bërë mbledhje, shko bëjë në një sallë tjetër. Me kë talleni ju

Nasip Naço: 5 minuta pushim, seanca do vazhdoje më ata që kanë certifikatë sigurie, kush nuk ka të largohet nga salla

Lajmi kryesor:

Anulohet dëgjesa me Vlora Hysenin te 'Siguria', deputetët pa certifikatë sigurie! Salianji debat me Naçon: Mos bëj si gangster! Kryetari i Komisionit: Njoh ligjin më mirë se ti

M.Q./r.k./Shqiptarja.com

TAG:
• Nasip Naco
• ervin salianji
• vlora hyseni
• SHISH
• tensione ne veri te kosoves
• kosove
• komisioni i sigurise