Deputeti i Partisë Demokratike, Ervin Salianji është takuar me strukturat e PD në Korçë ka theksuar se bashkimi i PD duhet të vijë përmes votës së lirë dhe jo proceseve të njëanshme. Ai tha se gara duhet të behet mes njerëzve që kanë dhënë kontributin e tyre në parti dhe jo me njerëz që nuk njihen dhe imponime.
“Ajo që vjen si thirrje nga anëtarët dhe kontribuuesit e PD, është thirrje që ka të bëjë me bashkimin real të PD. Ajo del nga vota, ajo që bashkon demokratët është vota. Vetëm kështu PD mund të rritet. Si deputet kam marrë mandatin e më të votuarit në këtë zonë. Do i qëndroj besnik deri në fund. Janë të mirëpritur edhe ata që mendojnë ndryshe. Nëse do të bëhet garë për atë që ka kontribute në PD jemi të gatshëm ta bëjmë këtë. Ne do të jemi aty ku ka demokratë dhe do të mbrojmë siglën e PD, kontributin e demokratëve. Ne nuk bëjmë sikur bëjmë beteja dhe lëshojmë gjërat. Ka vetëm një rrugë, po e ritheksoj, jo me imponime, jo me njerëz që nuk njihen, por me votën e demokratëve. Ky ishte mesazhi. Dua t’ju them gjithashtu se të pa shpjegueshme janë edhe lëshimi i selisë dhe mos mbledhja e grupit të deputetëve. Ajo që është e rëndësishme është që demokratët janë të shqetësuar për situatën në PD. Ata e dinë që PD rritet duke vlerësuar kontributorët”, tha Salianji.
Lidhur me emrin e Presidentit të ardhshëm, Salianji tha se nuk ka pasur diskutim brenda grupit për këtë, ndërsa shtoi se çdo emër i hedhur në konsum nuk do i shërbente interesave të opozitës. Edhe pse nuk përmendi emra duket se ky është një mesazh për Lulzim Bashën, emri i të cilit u lakuar nga Sali Berisha se kërkon të marrë presidencën pas lënies së postit të kreut të PD. Salianji shprehet se kushdo që nuk përgënjeshtron përmendjen e emrit të tij si kandidat për President krijon perceptimin se gjithçka luhet për interesa personale të tij në një kohë që grupi i PD nuk ka propozuar asnjë emër.
“Është një diskutim i parakohshëm. Nuk ka diskutim për presidentin. Askush nuk ka tagrin të flasë në emër të grupit. Do të diskutohet. Çdo emër i hedhur për konsum, apo i hedhur nga njëra palë nuk i shërben interesave të opozitës. Çdo emër që është hedhur dhe nuk përgënjeshtrohet i shërben për të theksuar perceptimin e keq që gjithçka është shitur dhe blerë qoftë në raport me kundërshtarët e PD, duhet t’i qëndrojmë parimeve. Qëndrimi i PD i shprehur përmes grupit parlamentar nuk ka asnjë qëndrim, sepse është qëndrim që vlen për të zhvendosur vëmendjen nga efektet e krijuara nga qeveria në rritjen e çmimeve. Të gjithë kanë qenë dhe janë mbështetës të PD. Nuk ka mbështetje personale. PD ka pasur disa kryetar, do të ketë të tjerë. Anëtarët janë po të njëjtën. Duhet bërë proces në bazë bashkimi dhe kjo ndodh në elementë konkretë. Vetëm kjo është rruga. Nëse do të ketë emërime, po ta duan emërime ta shohin me votë kush merr më shumë. Nuk ka nevojë të negociohet”, tha Salianji.
Sali Berisha deklaroi dy ditë më parë se Lulzim Basha po negocion dhe po tenton të mbledhë firmat për të qenë kandidat për president të Republikës.
Lajme të tjera
-
Rritet çmimi i apartamenteve në Korçë dhe Pogradec, deri në 1 mijë € metri katror! Agjenti imobilar: Kërkesa të larta nga Tirana e Durrësi! S’mbetet pas as diaspora
25 Nëntor, 19:48
-
E rëndë në Maliq, mjeti bujqësor përmbyset në rrugën e Moglicës, vdes 61-vjeçari që drejtonte zetorin (EMRI)
25 Nëntor, 19:18 -
Data për zgjedhjet 2025/ PS dhe Celibashi i propozojnë presidentit 11 majin, Klosi: T'ju lemë më shumë kohë emigrantëve! PD refuzon konsultimet, Berisha: 'Haram Bego' vendos çfarë i thotë Rama
25 Nëntor, 08:20 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Ersekë/ Flakët shkrumbojnë magazinën me bazë ushqimore, 2 zjarrfikëse në vendngjarje për të shmangur përhapjen e vatrës në banesa (FOTOT)
24 Nëntor, 19:15 -
PD akuzon Ramën për takimin e Londrës: Pasi i dëboi nga Shqipëria, i dhunoi emigrantët në kryeqytetin britanik! Do përgjigjet
24 Nëntor, 19:03 -
Protesta e opozitës më 26 Nëntor/ PD publikon 5 rrugët dhe pikat që do bllokojë në Tiranë! Ja ndarja e deputeteve
24 Nëntor, 18:48 -
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Udhëtim mes dy kohëve, veprat e realizmit socialist shfaqen në Korçë përmes projeksioneve digjitale
23 Nëntor, 17:01
-
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44
