Salianji për Bashën: 'Kryetari me vulë' po e dëmton brutalisht PD-në

Deputeti demokrat, Ervin Salianji, nga Korça ka “shigjetuar” jo pak Lulzim Bashën, i cili, sipas Salianjit, ka dëmtuar rëndë partinë për shkak të interesave personale që ka përfituar nga pushteti.

“Janë të përçarë për shkak të disa ish-drejtuesve që në mënyrë të pamerituar kanë marrë pushtet në kohën e PD-së, por në mënyrë brutale po e dëmtojnë opozitën për interesa personale e ky është një prej personave, kryetari me vulë”, u shpreh Salianji.

Salianji ka komentuar gjithashtu edhe vendimin e Gjykatës Kushtetuese e cila rikthen edhe një herë tjetër në Gjykatën e Apelit çështjen e logos dhe vulës të partisë më të madhe opozitare në vend.

 “Fatmirësisht për shqiptarët, por jo dhe aq mirë për ne, është se gjykata e la prapë varur e ia hoqi vulën atij që e kishte deri më sot, e ktheu prapë vulën aty ku duhet dhe besoj do kenë një vit kohë për t’u marrë ku do shkojë vula e ku do mbetet”.

Deputeti u ka bërë thirrje gjithë demokratëve të bashkohen për të rikthyer këtë forcë politike në pushtet.

“Mendoj që ka ardhur momenti që të bëhemi të gjithë bashkë, të forcohemi, të rrimë në terren, të flasim për problematikat e qytetarëve. Po e rithem: Gjykata Kushtetuese nuk e pranoi kërkesën e avokatëve dhe Korça si shumë qytete do jetë pa gjykatë Apeli. Do shtrenjtohen kostot, kështu ka ndodhur me dhjetra institucione, biznese që do paguajnë TVSH, ju gazetarë që do paguani 23%, që paratë të merren e ndahen me një grup shokësh”.

Ai nuk ka komentuar kur është pyetur lidhur me një garë që mund të hapet pas arrestimit të mundshëm të Sali Berishës.

SI.E./Shqiptarja.com

TAG:
• Lufta brenda PD
• lulzim basha
• ervin salianji
• sali berisha