Receta

Sallatë me bullgur nga Zonja Vjollca

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00.

Redaksia 27 Prill 2020, 11:45 | Përditesimi: 27 Prill 2020, 11:47

Sallatë me bullgur

Përbërësit:

1 gotë bullgur

LEXO EDHE:
Tavë me lakër arme dhe kimë nga zonja Albana

Vaj ulliri

2 karrota

2 limona ( lëngu)

5 qepë të njoma

1/2 filxhan çaji misra të zierë

1 spec i kuq

Koper, majdanoz, nenexhik

1 filxhan çaji kastraveca turshi

1/2 filxhan çaji arra të copëtuara

Vaj ulliri

Përgatitja:

Vendosim një tigan të thellë me vaj ulliri. Shtojmë në të karrotat të grirë në rende, i përziejmë për një minutë. Shtojmë bullgurin dhe i kaurdisim së bashku, shtojmë një gotë e gjysmë ujë të valuar, lëngun e dy limonëve, kripë, i përziejmë dhe ulim temperaturën në minimum. E lëmë bullgurin të mbuluar për 15 minuta.

Ndërkohë qepët e njoma, majdanozin, koperin, nenexhikun, specin e kuq, kastravecat turshi i presim shumë imët. Arrat po ashtu i copëtojmë.

Largojmë bullgurin dhe e thërrmojmë me pirun pasi të ftohet. Shtojmë të gjithë përbërësit e prerë imët, misrat dhe arrat. I përziejmë, shtojmë vaj ulliri dhe e shërbejmë.

D.M./Shqiptarja.com

TAG: