Samiti i G7, Trump kërkon rikthimin e Rusisë në grupin e vendeve më të industrializuara

Samiti i G7, Trump kërkon rikthimin e Rusisë në grupin e vendeve më të industrializuara

Trump dhe Putin

 

Presidenti amerikan Donald Trump thotë se ai do që Rusia të jetë pjesë e grupit të G7 të vendeve më të industrializuara.

Rusia u dëbua në 2014 pas aneksimit të Krimesë nga ana e saj, por Trump tha se ai donte që vendi të ripranohej. Takimi i profilit të lartë është paraprirë nga mosmarrëveshje të mëdha mes presidentit amerikan dhe vendeve të tjera në lidhje me vendosjen nga ana e tij të tarifave tregtare.

Ka po ashtu mosmarrëveshje me Trump në lidhje me Iranin dhe ndryshimet klimaterike. Trump tha se i vinte keq që takimi është reduktuar në përmasa, çka e vendos atë në kundërshtim me vendet e tjera anëtare të G7-ës edhe në këtë çështje.

“Mund t’ju pëlqejë ose jo, ndoshta nuk është edhe korrekte politikisht, por ne duhet të drejtojmë botën dhe në G7, që më herët ishte G8, Rusia u dëbua. Ata duhet ta rikthejnë Rusinë në grup”, tha Trump.

Trump u mbështet nga kryeministri i sapo zgjedhur italian, Giuseppe Conte, që në një postim në “Twitter” tha se ishte në interes të të gjithëve që Rusia të ripranohej. Kanadaja në anën tjetër, tha menjëherë se ajo mbetej kundër.

Samiti i G7, që mbledh Kanadanë, SHBA, Britaninë e madhe, Francën, Italinë, Japoninë dhe Gjermaninë, po mbahet në Kebek të Kanadasë. Liderët e shteteve, që përfaqësojnë më shumë se 60 për qind të fuqisë globale neto, takohen çdo vit. Ekonomia qëndron në krye të axhendës, edhe pse takimet tani thuajse gjithnjë trajtojnë edhe çështje të rëndësishme globale.

Trump, thuhet se do të jetë i pranishëm në diskutimet ekomomike dhe ato të sigurisë, por do të mungojë në ato mbi ndryshimet klimaterike dhe ndoshta edhe në ato mbi barazinë gjinore.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Zbatimi i hartës së re gjyqësore, Manja pret në zyrë kryeprokurorin Çela dhe kryetaren e KLGJ, Llagami

Zbatimi i hartës së re gjyqësore, Manja pret në zyrë kryeprokurorin Çela dhe kryetaren e KLGJ, Llagami