POP 5

Lajmet më të lexuara të 5 minutave të fundit

Politikë

‘Samiti i Grave Afgane’ në Tiranë, ministri Hasani: Regjimi taleban e ka përkeqësuar situatën, Shqipëria në mbështetje të tyre!

Ministri për Europën dhe Punët e Jashtme merr pjesë në eventin e parë të rëndësishëm, që mblodhi një numër të lartë grash dhe vajzash afgane. Hasani vë theksin te targetimi i qëllimshëm i autoriteteve afgane ndaj kësaj kategorie, duke rrezikuar ekzistencën e tyre në shoqëri

Po mbahet sot në Tiranë “Samiti i Grave Afgane”, ku marrin pjesë personalitete të ndryshme, zyrtarë dhe mes tyre ministri për Europën dhe Punët e Jashtme, Igli Hasani.

Në fjalën e tij ai theksoi mse kjo ishte një ngjarje historike, si “eventi i parë që mbledh një numër kaq të lartë të grave afgane”.

“Regjimi taleban ka përkeqësuar situatën në vend. Rrezikohet autonomia dhe ekzistenca e grave dhe vajzave afgane në shoqëri. Masat e talebanëve janë një diskriminim sistematik i bazuar në gjini, teksa vajzave dhe grave u ndalohet e drejta për të ndjekur arsimin e mesëm dhe të lartë”, u shpreh ministri.

Hasani shprehu mbështetjen e hapur ndaj grave dhe vajzave afgane dhe jo vetëm, duke i cilësuar si “pjesa më luftarake e shoqërisë”.

“Targetimi i grave jo i rastësishëm, ato janë pjesa më luftarake e shoqërisë njerëzore. Gratë afgane vijojnë të tregojnë një qëndresë dhe guxim të jashtëzakonshëm. Komuniteti ndërkombëtar duhet të zgjerojë mbështetjen e tij dhe të amplifikojë përpjekjet, kurse ne duhet t’u ofrojmë atyre burimet, ekspertizën dhe solidaritetin që u nevojitet”, u shpreh më tej kreu i diplomacisë shqiptare.

Ai apeloi për një dhënie garancie për barazi gjinore, duke e bërë një “realitet të prekshëm”.

“Përpjekjet tona rrezikojnë të dështojnë nëse nuk adresohen siç duhet. Shqipëria, pjesë e përpjekjeve ndërkombëtare për paqe dhe stabilitet në Afganistan. Garantimi i të drejtave të grave e vajzave, mbetet prioritet i qeverisë shqiptare”, tha ministri.

Në fund ai theksoi se Shqipëria në Këshillin e Sigurisë, ka në fokus edhe avancimit të axhendës “Gratë, Paqja dhe Siguria”, pasi sipas tij, “përgjegjësia për të ngritur zërin nuk është vetëm e grave afgane, por e të gjithëve ne”.

A.Q/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

VIDEO-LAJM/ Uzuni përshëndet me postim fansat e ekipit të ri Austin në spanjisht: Shihemi së shpejti në stadium!

VIDEO-LAJM/ Uzuni përshëndet me postim fansat e ekipit të ri Austin në spanjisht: Shihemi së shpejti në stadium!

24 Janar, 20:34