SARANDE- Ka qëlluar disa herë me çifte në drejtim të banesës së fqinjit për ta vrarë. Andrea Dhimitër Papa është arrestuar dje nga Shërbimet e Komisariatit të Policisë Sarandë, ndërsa ngjarja është shënuar pasditen e të shtunës ( 7 prill) në fshatin Cerkoviç.

Policia thotë se nga të shtënat është plagosur rëndë O. Xh., 59 vjeç. Policia ka bërë arrestimin e autorit, 45 vjeçar, sekuestrimin e armës dhe po punohet për zbardhjen e motiveve të ngjarjes.

Andrea Papa akuzohet për “Vrasje me dashje” e mbetur në tentativë dhe “Prodhimi dhe mbajtja pa leje e armëve të gjahut dhe sportive” parashikuar nga nenet 76, 22 dhe 280 të Kodit Penal.
(sg/shqiptarja.com)