POP 5

Lajmet më të lexuara të 5 minutave të fundit

Arkiva

Sarandë, bllokohen 284 kg
drogë, kapet transportuesi|

Operacioni i koduar “Duralumini” u krye në orët e para të mëngjesit të sotëm në aksi rrugor Gjirokastër- Sarandë. Droga, e llojit kanabis, ishte fshehur në karroceri,  dhe ishte paketuar në pako 1 dhe 2 kilogramëshe.
SARANDE- Një sasi prej 283. 7 kg lëndë narkotike është sekuestruar nga Komisariati i Policisë së Sarandës. Operacioni i koduar “Duralumini” u krye në orët e para të mëngjesit të sotëm në vendin e quajtur Krane, pjesë e aksit rrugor Gjirokastër- Sarandë.

Droga është gjetur e fshehur në një automjet (kamioncinë) tip Mercedes-Benz me targe AA 273 AY, e cila drejtohej nga Ermal Ramaj.

Droga e llojit kanabis ishte fshehur në karroceri, e cila ishte e modifikuar me dopjo shtresë, dhe ishte paketuar në pako 1 dhe 2 kilogramëshe.

Policia arrestoi në flagrancë 22 vjecarin me banim në lagjen “28 Nëntori” Vlorë. “Realizimi i këtij operacioni u bë i mundur pas një pune 2 mujore të strukturave Kundër Narkotikëve e Trafiqeve paligjshme të Drejtorisë së Policisë së Qarkut Vlorë dhe Komisariatit të Policisë Sarandë.”- bën të ditur njoftimi për shtyp i policisë së Vlorës. Po punohet për identifikimin dhe kapjen e bashkëautorëve të tjerë të përfshirë në këtë veprimtari kriminale.

Ndaj Ermal Ramajt ka nisur procedim penal për veprën penale të “Prodhimit dhe shitjes së narkotikëve” parashikuar nga neni 283 i Kodit Penal.

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03