SARANDË- Gjykata e Sarandës la në arrest shtëpie 2 zyrtarë dhe liroi 6 të tjerë, të akuzuar për shpërdorim detyre, pasi lejuan ndërtimin e një hoteli pa leje. Ndërkohë sot u dorëzua në një nga pikat e kalimit kufitar edhe ish-Drejtori i ASHK Sarandë, Andri Dhima, ndërsa është ende në kërkim pronari i hotelit, njëkohësisht drejtor i Fondit të Kujdesit Shëndetësor M. M. dhe K. S.
Tre ditë pas arrestimit të bujshëm të 8 zyrtarëve në Sarandë dhe shpalljen në kërkim të tre të tjerëve për shpërdorim detyre, gjykata e Sarandës ka “shfryrë” dosjen e prokurorisë duke liruar të gjithë zyrtarët nga paraburgimi. Në seancën e sotme për masën e sigurisë, gjyqtari Mikel Hysometaj vendosi hetim në gjendje të lirë për 6 zyrtarë dhe dy të tjerë arrest shtëpie. Ata akuzohen për shpërdorim detyre, pasi lejuan ndërtimin e një hoteli pa leje.
Ndërkohë ditën e sotme është dorëzuar në një nga pikat e kalimit kufitar edhe ish-Drejtori i ASHK Sarandë, Andri Dhima. Seanca për caktimin e masës së sigurisë ndaj tij do të zhvillohet ditën e hënë. Policia vazhdon ende të kërkojë pronarin e hotelit, njëherësh drejtorit I Fondit të Kujdesit Shëndetësor M. M. dhe K. S., ish-drejtore e ASHK Sarandë. S. dyshohen për veprën penale “shpërdorim detyre” ndërsa M. për “ndërtim të paligjshëm”.
Nga hetimet e prokurorisë së Sarandës rezultoi se zyrtarët e Inspektoratit vendor të Mbrojtjes së Territorit, të Inspektoratit Kombëtar të Mbrojtjes së territorit dhe të Drejtorisë së Kadastrës lejuan dhe legalizuan ndërtimin pa leje të hotelit 7 katësh në pronësi të ish Drejtorit të ALUIZNI Sarandë, M. M. sot drejtor i Fondit të Kujdesit Shëndetësor.
Sipas burimeve, M. kishte marrë leje për rikonstruksionin e një objekti ekzistues të blerë nga ana e tij, por kishte ndërtuar pa leje nga fillimi një hotel me 7 kate. Është pikërisht hoteli që shihni në pamje i cili u vendos në funksion në vitin 2022. Hoteli i M.M. ka qenë dy herë objekt i vendosjes së sasive të eksplozivit, në 9 shkurt 2021 dhe 29 qershor 2022, ngjarje ende të pazbardhura.
Viktor Qesari, inspektor i IVMT
Tonin Simoni, ish-inspektor i IVMT
Oltion Durmishi, inspektor i IVMT PEZULLIM NGA PUNA
Denis Balili, ish-inspektor IKMT
Ina Papa, specialiste e Kadastrës
Manushaqe Saliko, ish-inspektore IKMT
Andri Dhima, ish-drejtor i ASHK
Lajme të tjera
-
Albcontrol 39,7 milionë lekë për pajisjet e Kullës së Kontrollit në Aeroportin e Vlorës
26 Dhjetor, 15:35 -
Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim
26 Dhjetor, 15:20 -
Sarandë/ Vrau burrin, dërgohet në spital psikiatrik 48-vjeçarja
26 Dhjetor, 14:15
-
Zyrtare/ Bruno Telushi rikthehet në shtëpi pas 7 vitesh, firmos me Flamurtarin
26 Dhjetor, 10:55 -
Sarandë/ Aksident pranë fshatit Shijan, makina kthehet përmbys në një kanal gjatë rrugës! Lëndohen dy persona dhe dërgohen me urgjencë në spital
26 Dhjetor, 10:00 -
Krimi në familje në Sarandë, e arrestuara shtang hetuesit: Tentova ta vrisja dhe më parë bashkëshortin, nuk kisha arsye!
25 Dhjetor, 15:53
-
Në Himarë babagjyshi vjen nga deti, parada dhe koncerti festiv (VIDEO)
25 Dhjetor, 13:12 -
Çelet tenderi 95 mln lekë për projektin e rehabilitimit të hekurudhës Rrogozhinë-Vlorë dhe lidhjen me aeroportin
25 Dhjetor, 12:39
-
E përditshmja britanike 'Express': Shqipëria ndër vendet më të mira për të shkuar me pushime në 2025
25 Dhjetor, 09:52 -
Kreu i Burgjeve dhe kryebashkiaku i Vlorës firmosin marrëveshje: Ndihmë të dënuarve që të riintegrohen në shoqëri dhe për një fillim të ri
24 Dhjetor, 20:29 -
Emigrantët kthehen për festa! Çdo ditë mbi 1 mijë pasagjerë mbërrijnë në portin e Vlorës
24 Dhjetor, 16:12
-
Sarandë/ Konflikt në familje, gruaja vret burrin në fshatin Metoq (EMRAT)
24 Dhjetor, 08:47
