Policia kufitare pikasi dhe një gomone të cilës iu vu në ndjekje për disa orë por nuk arriti ta ndalojë. Gomonia u largua në drejtim të kanalit të Korfuzit. Një grup hetimor është ngritur për të zbuluar organizatorët e këtij trafiku droge si dhe prejardhjen e drogës.
Shtatë persona, prej të cilëve katër roje private të Gjirit të Kakomesë, u shoqëruan, pasi dyshohet si të implikuar. Policia saktësoi se lënda narkotike ka përshkruar mbi 100 km rrugë kombëtare, nga Lazarati (Gjirokastër) në Sarandë, duke shmangur postbllokun policor ngritur në aksin rrugorë Jorgucat-Kakavijes.
“Trafikantët kanë shfrytëzuar një kamion frigoriferik, tashmë i bllokuar, për të shmangur kontrollin policorë”, saktëson policia, raporton atsh.
Ky është i dyti rast gjatë këtij viti, që policia e Sarandës bllokon një sasi të konsiderueshme lëndë narkotike. Dy muaj më parë, pothuajse në të njëtin vend, u bllokuan 1.5 ton hashash, ndërsa tre person u ndaluan.
(sg/shqiptarja.com)