Sarandë/ Ktheu garazhin në bazë droge, pranga pronarit, merrej me shit-blerje makinash e bënte jetë luksoze! Në kërkim ortaku! Sekuestrohen 1.2 kg kokainë e shuma të mëdha parash

Shkatërrohet baza e kokainës në Sarandë. Arrestohet Romeo Laze, 41 vjeç pronari i garazhit që përdorej për përpunimin e lëndës narkotike të llojit “Kokainë”. Së bashku me ortakun e tij 26 vjeçarin Bajram Capoku i shpallur në kërkim, pasi përpunonin lëndën narkotike “Kokainë” në garazh, e shpërndanin atë, në sasi, në zona të ndryshme të qytetit të Sarandë dhe Ksamilit.

Gjatë kontrollit të ushtruar në momentin e arrestimit të Romeo Laze, u  gjetën dhe sekuestruan në cilësinë e provës materiale, doza me lëndë të dyshuar kokainë e 6 mjete të ndryshme.

Në vijim të kontrolleve të ushtruara në banesat, automjetet dhe motomjetet që 2 ortakët përdornin, u gjetën dhe sekuestruan në cilësinë e provës materiale, 1 kilogram e 255 gramë lëndë e dyshuar narkotike e llojit “Kokainë”, një pjesë e të cilës ishte e ndarë në doza gati për shitje, 1 armë gjahu dhe muncionon luftarak, 3 peshore elektronike, një presë metalike, një shumë e konsiderueshme parash në lekë, euro dhe dollarë, të përfituara nga shitja e lëndës narkotike, 4 targa automjetesh dhe 1 pajisje DVR.

41-vjeçari Romeo Laze nuk është një emër i panjohur për drejtësinë. Ai rezulton i kërkuar në 2011 për veprën penale “plagosje e lehtë me dashje”. 41 vjeçari është pronar i një lavazhi, si dhe i garazhit, ku përpunohej kokaina e më pas shitej në Sarandë e Ksamil, ndërkaq merrej dhe me shit blerje makinash. Nga sa shihet në postimet e tij në rrjete sociale ai bënte jetë luksoze dhe shëtiste makina të shtrenjta e të shpejta. 

Kujtojmë se brenda 3 muajsh Policia e Sarandës ka goditur 2 baza të shpërndarjes së kokainës dhe 3 baza të shpërndarjes së “cannabis sativa”. Veç shpërndarësve, policia ka arrestuar edhe shtetas të ndryshëm me sasi të vogla, të cilët kane rezultuar përdorues të lëndës narkotike.

Njoftimi i policisë për operacionin:

Sarandë/Finalizohet një tjetër operacion antidrogë, për goditjen e veprimtarisë kriminale në fushën e narkotikëve dhe armëmbajtjes pa leje. Operacioni policor i koduar "Çuka" i zhvilluar nga Komisariati i Policisë Sarandë në bashkëpunim me Drejtorinë Vendore të Policisë Vlorë. Shpërndanin lëndë narkotike kokainë në zona të ndryshme të Sarandës, vihet në pranga 1 shtetas shpallet në kërkim 1 tjetër.

Sekuestrohen 1 kg e 255 gram kokainë , 1 armë gjahu, 1 shumë parash të përfituara nga shitja e lëndës narkotike, tre peshore elektronike, 6 mjete të ndryshme, 4 targa atuomjetesh  dhe sende të tjera të kundraligjshme. 

Në vijim të punës për goditjet e njëpasnjëshme të veprimtarisë kriminale në fushën e narkotikëve, bazuar në informacionet se dy shtetas posedonin dhe merreshin me shpërndarjen e lëndëve narkotike kokainë, pas një punë të mirëfilltë disa javore, Seksioni për Hetimin e Krimeve në Komisariatin e Policisë Sarandë, në bashkëpunim me  strukturat e DVP Vlorë dhe grupin e FNSH-së, zhvilluan operacionin antidrogë të koduar “Çuka”, në kuadër të të cilit u arrestua në flagrancë shtetasi:

Romeo Laze, 41 vjeç  dhe u shpallë në kërkim shtetasi B. Ç., 26 vjeç, banues të dy në Sarandë.

Nga ana e Seksionit për Hetimin e Krimeve në Komisariatin e Policisë Sarandë, janë grumbulluar informacione në rrugë operative, se të dy këta shtetas kishin përshtatur një ambient (garazh), në lagjen nr.4, Sarandë, për përpunimin e lëndës narkotike të llojit “Kokainë” dhe e shpërndanin atë, në sasi, në zona të ndryshme të qytetit të Sarandë dhe Ksamilit.  Gjatë kontrollit të ushtruar në momentin e arrestimit të shtetasit Romeo Laze, shërbimet e Policisë, gjetën dhe sekuestruan në cilësinë e provës material, doza me lëndë të dyshuar kokainë.

Në vijim të kontrolleve të ushtruara në banesat, automjetet dhe motomjetet që këta dy shtetas përdornin, u gjetën dhe sekuestruan në cilësinë e provës materiale, 1 kilogram e 255 gramë lëndë e dyshuar narkotike e llojit “Kokainë”, një pjesë e të cilës ishte e ndarë në doza gati për shitje, 1 armë gjahu dhe muncionon luftarak, 3 peshore elektronike, një presë metalike, një shumë e konsiderueshme parash në lekë, euro dhe dollarë, të përfituara nga shitja e lëndës narkotike, 4 targa automjetesh dhe 1 pajisje DVR.

Gjithashtu u sekuestruan  3 automjetet dhe 3 motomjetet me të cilin këta shtetas qarkullonin për të shitur lëndën narkotike. Vijon puna intensive për kapjen e shtetasit  të shpallur në kërkim për këtë veprimtari kriminale.

Materialet iu referuan për veprime të mëtejshme, Prokurorisë së Rrethit Gjyqësor Sarandë, për veprat penale penale  “Prodhim dhe shitje të lëndëve narkotike” ,“Përshtatja e lokalit për përdorim droge” dhe ”Prodhimi dhe mbajtja pa leje e armëve luftarake dhe e municionit” të kryera në bashkëpunim.

Pamje nga garazhi ku u kap kokaina

Rendit zhvillimet sipas orarit:

Të Fundit Të Parat

TAG:
• kokaine
• Vlore
• sarande
• droge
• Romeo Laze
• Barjam Capoku