SARANDË - Një ngjarje e rëndë që i ngjan një atentati ka tronditur Sarandën, ku është rrafshuar me lëndë plasëse një prej hoteleve më të vjetra në shëtitoren e qytetit bregdetar. Bëhet fjalë për hotel ‘Bizanti’, i ndërtuar në 1996 që ka 3 bashkëpronarë, Dhimitër Evangjeliu, Spiro Çabiri dhe Vangjel Shtuka që janë në proces gjyqësor me njëri-tjetrin për pronësinë që prej vitit 2002. Një ekspert ka folur për gazetarin e Report Tv, Limos Didani duke zbuluar se hotelit i ishte vënë 30 kg dinamit, por kjo do të vlerësohet nga ekspertë të RENEA-s, të forcave xheniere.
Report Tv ka siguruar pamjet ekskluzive të momentit të shpërthimit të hotelit që mbuloi të gjithë zonën me tym të zi dhe tronditi banorët rreth orës 05:55 të mëngjesit të së hënës kur ndodheshin në gjumë. Ata u zgjuan të terrorizuar nga shpërthimi i fuqishëm dhe zhurma e fortë duke menduar se u goditën nga një tërmet. Një banore e moshuar u shpreh se tronditja ishte aq e fortë sa mendimi i parë që i erdhi prej frikës ishte të hidhej nga ballkoni. Disa të tjerë e cilësojnë të ngjashëm si me një “akt terrorist” ndërsa banorë të tjerë shprehen se ndihen të rrezikuar.
Shpërthimi me lëndë plasëse nga autorë ende të paidentifikuar ka shkaktuar dëme të mëdha në fasadat e dhjetëra bizneseve dhe qindra banesave përreth deri në 300 metra largësi. Nga pamjet e siguruara nga Report Tv duken edhe copat e xhamit dhe mbetjet e betonit që kanë përfunduar në rrugë por janë thyer edhe xhamat e ballkoneve të apartamenteve në katet e sipërme të pallatit. Hoteli ndodhej në vijën e parë të bregut të detit dhe ishte ndërtuar prej vitit 1996. Duke qenë se biznesi ishte funksional vetëm kur kishte fluks turistik gjatë muajve të verës, nuk raportohet për të lënduar.
Shërbimet e policisë kanë shkuar menjëherë në vendngjarje dhe vijojnë kontrollet në zonë për kapjen e autorit/ve. Policia e Sarandës ka shoqëruar disa persona që mund të kenë dijeni për ngjarjen. Mes tyre edhe djali i Spiro Çabirit, ku sipas burimeve i kanë bllokuar edhe makinën. Menjëherë është ngritur një grupi i posaçëm hetimor me ekspertë më të mirë të DVP Vlorë dhe nga Departamenti i Policisë Kriminale dhe nën drejtimin e Prokurorisë vijon puna për zbardhjen e ngjarjes.
Historia e përplasjes 21 vjeçare për pronësinë e hotelit
Hotel ‘Bizanti’, i pozicionuar në shëtitore, buzë detit kishte 3 ortakë, një shtetas grek me emrin Dhimitër Evangjeliu dhe 2 shqiptarë Spiro Çabirin dhe Vangjel Shtuka (i ndarë nga jeta). Report Tv ka siguruar dosjen që shpjegon si nisi përplasja për pronësinë e vlerësuar 920 mijë euro, 90% të të cilës e kishte greku dhe 10% i kishin 2 shqiptarët. Çështja është ende Apelin e Gjirokastrës që pas hartës së re gjyqësore transferohet në Tiranë për të zgjidhur përfundimisht konfliktin për pronësinë.
Bashkia e Sarandës ka reaguar për shpërthimin me tritol në hotel ‘Bizanti’ në qytetin bregdetar që ka shkaktuar dëme të mëdha në banesat dhe bizneset përreth. Bashkia Sarandë thotë se po evidentojnë dëmet e shkaktuara dhe shprehen se gjenden pranë qytetarëve për çdo nevojë që mund të kenë.
“Pas situatës jo të zakonshme, të krijuar mëngjesin e sotëm në një nga bizneset hoteliere në shëtitoren e qytetit të Sarandës, një grup specialistësh të Ndërmarrjes së Shërbimeve, Emergjencave Civile dhe Shërbimit Zjarrfikës, kanë evidentuar dëmet e shkaktuara në hapësirat publike përreth.
Punonjës të Ndërmarrjes së Shërbimeve Publike në Bashki, po punojnë në shëtitoren e qytetit dhe hapësirat publike përreth, për të bërë të mundur eliminimin e pasojave dhe dëmeve në këto hapësira, si dhe normalizimin e situatës. Në të njëjtën kohë, u gjendemi pranë qytetarëve të dëmtuar për çdo nevojë, që mund të kenë, për kapërcimin e kësaj situate.
Inkurajojmë strukturat ligjzbatuese për zbardhjen e shpejtë të ngjarjes dhe vënien para përgjegjësisë ligjore të autorëve. Jemi të bindur se kjo ngjarje dhe pasojat e saj, të cilat, për fatin e mirë janë vetëm materiale, do të eliminohen shpejt dhe nuk do të kenë asnjë impakt negativ për qytetin”, thuhet në reagimin e Bashkisë Sarandë.
Shkëlqim Akulli, një banor në katin e dytë të pallatit ngjitur me hotelin që u rrafshua nga 30 kg dinamit në Sarandë ka treguar se si i janë thyer xhamat e dyerve dhe orenditë shtëpiake prej shpërthimit të fuqishëm. Duke folur për kamerën e Report Tv me gazetarin Armand Xhelili, banori tregon se u tronditën ndërsa kishte në shtëpi dhe nipër e mbesa. Po ashtu kërkon mbështetje nga shteti pasi ka dëme të shumta në banesë.
“Shpërthimi na ka tronditur jashtë mase. Isha me nipër e mbesa. Na ka ardhur flaka në shtëpi. U ngritën xhamat mbi kokë. Kërkojmë ndihmë dhe nga shteti se kemi dëme të mëdha materiale. Na kanë dalë dyert nga vendi, na janë thyer të gjitha xhamat, orenditë shtëpiake. Ishim në gjumë dhe shumë të tronditur.
Ne u trembëm se kanë rënë tërmetet radhë por pastaj e ndjemë që ishte goditje e thatë afër zonës. Na erdhën dru e hekura nëpër tenda. E gjithë zona këtu janë të gjithë të dëmtuar. Deri tani s’ka ardhur askush të na japë njëfarë shprese apo kompensime. Çfarë faji kam unë se e vuri një kriminel tritolin atje?” – tha Akulli.
Një nga personat e shoqëruar në Sarandë për rastin e shpërthimit në hotel është djali i Spiro Çabirit, ku sipas burimeve i kanë bllokuar edhe makinën.
Sipas vendimit te gjykatës 90% te hotelit i ishte dhënë Dhimitër Evangjeliut dhe nga 5% dy ortakëve të tjerë.
Për shkak të konflikteve për pronën, si persona të dyshuar janë pjesëtarët e familjeve të dy ortakëve të Evangjeliut.
Një nga personat e shoqëruar në Sarandë për rastin e shpërthimit në hotel është djali i Spiro Çabirit, ku sipas burimeve i kanë bllokuar edhe makinën. Sipas vendimit te gjykatës 90% te hotelit i ishte dhënë Dhimitër Evangjeliut dhe nga 5% dy orkateve të tjerë.
Për shkak të konflikteve për pronën, si persona të dyshuar janë pjesëtarët e familjeve të dy ortakëve të Evangjeliut.
Banorët e qytetit të Sarandës janë zgjuar të tmerruar nga shpërthimi i fuqishëm pas vënies së sasisë eksplozive në hotelin që ndodhej shumë pranë shëtitores. Një e moshuar shprehet se iu duk sikur u fundos pallati ndërsa një tjetër banor shprehet se ndihen të rrezikuar.
“Ç’faj kemi ne them se na tronditën dhe bukën s’na lanë të hamë. Thamë se ra pallati, thamë se u fundos në tokë. Isha zgjuar që në 05:30 dhe rrija. Deri tani nuk kam marrë frymë, mezi shkova të marr bukë që të pi ilacet. Jemi të sëmurë e nuk mbledhim dot veten. Tërmet nuk e mendova, dukej që ishte shpërthim. Në momentin e parë dola në ballkon dhe thashë të hidhesha nga ballkoni”, tha një banore.
“E dëgjuam. Ishte shumë i madh. Ne thamë se gjëmoi”, tha një banore.
“Ishte shumë i fuqishëm. Shpërthim i padëgjuar ndonjëherë. U trembëm, u ngritëm, dolëm, s’kishte gjë. Jemi të rrezikuar se ka dëme plot”, tha një banor.
Report Tv ka siguruar pamjet ekskluzive të momentit kur hotel ‘Bizanti’ në Sarandë shpërthen nga tritoli që i ishte vendosur nga persona ende të paidentifikuar mëngjesin e sotëm. Hoteli është shkatërruar tërësisht ndërsa dëme të mëdha ka edhe në bizneset deri në 300 metra larg dhe në rrugë ku shfaqen copa xhami të thyera.
Shpërthimi i fuqishëm ka shkaktuar terror për banorët rreth orës 05:55 të mëngjesit pasi janë zgjuar të tronditur nga zhurma e fortë. Ata thonë se ngjante si “akt terrorist” që i ka shokuar të gjithë. Një banore u shpreh se tronditja ishte aq e fortë sa iu duk si tërmet.
Hotel ‘Bizant’, një prej hoteleve më të vjetra në Sarandë, i pozicionuar në shëtitoren e qytetit, është hedhur në erë mëngjesin e sotëm, pasi i është vendosur 30 kg dinamit. Hoteli ka 2 ortakë, Spiro Çabirin dhe Dhimitër Evangjeliu që janë në proces gjyqësor me njëri-tjetrin për pronësinë që prej vitit 2002. Anëtarët e 2 familjeve janë shoqëruar në komisariat për të dhënë dëshmitë e tyre në lidhje me ngjarjen.
Policia e Sarandës ka shoqëruar disa familjarë të ortakëve në lidhje me shpërthimin me tritol në hotel "Bizant" në orët e mëngjesit, persona që mund të kenë dijeni për ngjarjen. Drejt Sarandës janë nisur ekspertë të RENEA-s, të forcave xheniere, të cilët do të përcaktojnë sasinë e lëndës plasëse dhe llojin e saj. Paraprakisht dyshohet për 20 deri në 30 kilogramë. Hetimet janë përqëndruar më shumë në pistën e konflikteve që kanë pasur bashkëpronarët prej vitesh.
Kryetari i Bashkisë së Sarandës Adrian Gurma dhe prefekti Flamur Mamaj kanë mbërritur pranë zonës ku u rrafshua me lëndë plasëse hoteli në Sarandë duke shkaktuar dëme në dhjetëra biznese. Ata shohin nga afër se si godina 2 katëshe është bërë rrafsh me tokën ndërsa banorët janë të tmerruar nga tronditja.
Eksperti nga Saranda ka zbuluar për Report Tv mëson se hotelit në qendër të qytetit ju vu më shumë se 30 kg dinamit dhe u shpërthye nga persona ende të paidentifikuar në orët e para të mëngjesit duke shkaktuar tronditje për banorët e qytetit.
Një nga banoret e zonës që u zgjua e shokuar nga vënia e tritolit të hotel ‘Bizanti’ pranë shëtitores së Sarandës shprehet se tronditja ishte aq e fortë sa iu duk si tërmet.
“Thashë se qe tërmet, po shpëtuam. Kemi shtëpinë e kunatit dhe djalit këtu, por shyqyr nuk ka dëme. Dyqanin këtu e ka me qira një nga Tirana dhe e lajmëruam që të vinte”, tha banorja.
Shpërthimi i tritolit në Sarandë ka shkaktuar dëme edhe në katet e sipërme të pallatit pranë hotelit që iu vu lënda eksplozive në orët e para të mëngjesit. Kjo duket në pamjet e siguruara në Report Tv që tregojnë xhamat e thyer në ballkonet e apartamenteve ndërsa dëme ka edhe në bizneset përreth.
Copa xhami dhe mbetje inerte në mes të rrugës. Këto janë pamjet që ka shkaktuar vënia e tritolit në hotelin ‘Bizanti’ në Sarandë që duket se ka shkaktuar kaos në qytet.
Hotel ‘Bizanti’ në Sarandë është hedhur erë me sasi të madhe tritoli që për pasojë ka shkaktuar dëme në 30 biznese dhe qindra banesa përreth.
Pas vënies së tritolit në hotel ‘Bizanti’ në Sarandë që u rrafshua në orët e para të mëngjesit, policia ka mbërritur në vendin e ngjarjes duke bllokuar edhe disa rrugë. Për pasojë, banorët janë penguar që të vijojnë aktivitetin e tyre të përditshëm për të shkuar në punë apo ambiente të tjera.
Këto janë pamjet nga lart që tregojnë se si është rrafshuar hotel ‘Bizanti’ pas shpërthimit të fuqishëm me tritol rreth orës 05:55 të mëngjesit në qytetin e Sarandës. Nga imazhi duket se rruga është e mbuluar me mbetje betoni.
Policia ka reaguar për shpërthimin me tritol në hotel ‘Bizanti’ në Sarandë, ku është gritur grupi i posaçëm me ekspertë për zbardhjen e ngjarjes.
Njoftimi i policisë
Rreth orës 05:55, në lagjen nr.1, Sarandë, në një hotel dy-katësh i ndërtuar që prej vitit 1996, në pronësi të shtetasve S. Ç., dhe E. Dh., ka shpërthyer një sasi lënde, e dyshuar eksplozive, ku si pasojë ndërtesa është rrëzuar dhe janë shkaktuar dëmtime të fasadave të objekteve në afërsi të objektit të rrëzuar.
Nga shpërthimi nuk ka asnjë person të lënduar. Shërbimet e policisë kanë shkuar menjëherë në vendngjarje dhe vijojnë kontrollet në zonë për kapjen e autorit/ve. Menjëherë është ngritur një grupi i posaçëm hetimor me ekspertë më të mirë të DVP Vlorë dhe nga Departamenti i Policisë Kriminale dhe nën drejtimin e Prokurorisë vijon puna për zbardhjen e ngjarjes.
Nga të dhënat paraprake rezulton se prej vitit 2002, dy bashkëpronarët janë në një proçes gjyqësor për pronësin e këtij hoteli.
Një shpërthim i madh ka ndodhur në orët e para të mëngjesit të kësaj të hëne në Sarandë. Hotel Bizanti i cili është edhe në pronësi të Spiro Çabirit. Përveç këtij të fundit hotelin e ka në pronësi edhe një person tjetër, për këtë çështje mes tyre ka një proces gjyqësor.
Ky është momenti pak çaste pas shpërthimit të hotelit ‘Bizanti’ në Sarandë që u hodh në erë rreth orës 05:54 duke shkaktuar tym të madh dhe tronditje në të gjithë qytetit.
Këto janë pamjet para dhe pas shpërthimit me tritol në hotelin 2 katësh ‘Bizanti’ në Sarandë që u hodh në erë dhe u rrafshua krejtësisht.
Hoteli ‘Bizanti’ që u hodh në erë në Sarandë ka 2 ortakë, Spiro Çabirin dhe Evangjeli Dhimitri, të cilët prej vitit 2002 janë në gjyq me njëri-tjetrin për shkak të pronësisë.
“Ky është terror. Ishte e tmerrshme. Ky është një akt terrorist”, mësohet të kenë thënë banorët pasi u zgjuan nga shpërthimi i fuqishëm me eksploziv i hotelit në Sarandë.
Report Tv ka siguruar pamjet nga vendi i ngjarjes në Sarandë, ku shpërtheu me tritol një hotel. Nga pamjet duket se hoteli është shkatërruar tërësisht ndërsa dëme të mëdha ka edhe në bizneset deri në 300 metra larg dhe në rrugë ku shfaqen copa xhami të thyera. Në vendin e ngjarjes kanë mbërritur forcat blu për të zbardhur detajet.
Komente
Lajme të tjera
-
Në Himarë babagjyshi vjen nga deti, parada dhe koncerti festiv (VIDEO)
25 Dhjetor, 13:12 -
Çelet tenderi 95 mln lekë për projektin e rehabilitimit të hekurudhës Rrogozhinë-Vlorë dhe lidhjen me aeroportin
25 Dhjetor, 12:39
-
E përditshmja britanike 'Express': Shqipëria ndër vendet më të mira për të shkuar me pushime në 2025
25 Dhjetor, 09:52 -
Kreu i Burgjeve dhe kryebashkiaku i Vlorës firmosin marrëveshje: Ndihmë të dënuarve që të riintegrohen në shoqëri dhe për një fillim të ri
24 Dhjetor, 20:29 -
Emigrantët kthehen për festa! Çdo ditë mbi 1 mijë pasagjerë mbërrijnë në portin e Vlorës
24 Dhjetor, 16:12
-
Sarandë/ Konflikt në familje, gruaja vret burrin në fshatin Metoq (EMRAT)
24 Dhjetor, 08:47 -
Vlorë/ Plagosi me thikë 19 vjeçarin, arrestohet 44 vjeçari! I riu te Trauma
23 Dhjetor, 17:58 -
Vlorë/ Sekuestrohen rreth 32 mijë euro cash në port, procedohen 2 shoferët! Ishin fshehur në sediljen e autobusit të agjencisë së udhëtimit
23 Dhjetor, 16:09 -
Selenicë, Guri Selimi rrezikon jetën, prej vitesh i braktisur! 77-vjeçari pa strehë, pa ushqim e veshje endet rrugëve
23 Dhjetor, 10:08
-
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Moti i keq, frika nga reshjet e dendura, bashkia Vlorë bën thirrje qytetarëve: Mos parkoni makinat në këto zona
23 Dhjetor, 09:09 -
Moti i keq pezullon nisjen e tragetit në Vlorë, mbetet në radë
23 Dhjetor, 08:01
zapto, vidh, nderto pa leje...ja si perfundon ! E SHKATERRUAN KET VEND !
Përgjigjusaranda eshte bere nje shemti me ndertime vend e pavend...skandal .....
PërgjigjuMikepritja speciale qe po u japim turisteve te rastit! Per mendimin tim,shteti nuk i detyrohet asnjerit,perkundrazi,pronaret e hotelit duhet te detyrohen te demshperblejne te gjithe te demtuarit perreth si dhe shtetin vete per demtimet e ambienteve publike dhe jo vetem kaq,por mbasi te mbarojne pune kriminalistet,te detyrohen te pastrojne e te heqin inertet me shpenzimet e tyre.Vetem keshtu vene mend keta.
Përgjigjuxhenieret te vine nga tirana dhe te vendosin tritol gjithandej,,,duhen prishur nja 100 hotele ne sarande ne buze te detit...
Përgjigjuhuh? une thashe se ishte shperthim i kontrolluar se me 30kg tritol e hiqje te gjithe ate zone nga qarkullimi. eh gjalle jane Bilbilejte gjalle .....
PërgjigjuE di syrja bello kete mhb se sa kg ishin dhe kush i vuri. Se miqt e tij jan
Përgjigju30 kg eksoloziv quhet vetem akt terrorist dhe nese duan autoritetet e zbardhin shume shpejt. Ata qe e kane bere kete akt nuk mund te gjykohen per shkatrim prone me eksploziv por vetem per akt terrorist. Nese kjo nuk ndodh atehere cdokush ndihet i rrezikuar dhe me mire te largohet nga shqiperia. Duhen bere shembull horrat qe e kryen kete terror.
PërgjigjuWelcome to Albania for Holiday
PërgjigjuMireardhsh or teeeejjjjj
Kjo demokracija.
PërgjigjuNyjet bien ne kreher nje dite,30 vjet jane bere poshtersi pa fund,tani erdhi koha qe te lahen hesapet e asaj zullumahije 30 vjecare. Kush u la rruge te hapur lindjes se fenomeneve te tilla eshte shkaktari sepse nuk zhduken kollaj,behen pjese e shoqerise
PërgjigjuKur nuk ka shtet qè ushtron drejtèsinè si shtyllè mbajtèse e sistemit, njerèzit fillojnè tè reagojnè si ata minjtè nè laborator, ku i vunè nè njè enè tè vogèl pèr tè parè reagimin e tyre. Minjtè kaluan nè kanibalizèm, shqyen njèri tjetrin. Nè Shqipèri, kemi 35 vjet nè "laborator". Kodrèn e Kamzès, e kthyem nè Bathore, bregdetin e pishave tè pafundme qindra vjeçare, e kthyem nè nevojtore publike qè e quajmè rèndom turizèm. Edhe shtèpitè e prindèrve, mbas vdekjes sè tyre, vèllezèrit "i trashèguan" duke vrarè njèri tjetrin sepse gjyqèsia e blerè me para, kètè fund ka. Sot, nuk vènè mè vetèm 400 gramè tritol. Jo jo,,,"e lehtèsojnè" punèn dhe shèmbin gjithè kodrèn me 10 kilogram tè tillè. Rrumpallè o xhan, rrumpallè. Shtet pa drejtèsi nuk mund tè ketè. Shqiptarèt shqyejnè njèri tjetrin, dhe godinat e shèmtuara qè kanè ngritur me para droge, po ashtu.
PërgjigjuE kane prishur vete qe te ndertojne nje te ri .... ndertese e 1996 duhet te kete stonuar me shoqet...
PërgjigjuSA MIRE E PASKENI BERE,,,,NA LEHTESUAT PUNEN SADOPAK,,,,,QE KENI PRISHUR KETE NDEETESE TE SHEMTUAR NE BUZE TE DETIT,,,NE SARANDE DUHEN PRISHUR 50% E HOTELEVE...I KENI BERE PA PLAN E PA LEJE...JU VRAFTE ZOTI NE GJUME ISHALLAH...
PërgjigjuKete pamjen para e keni qare o karlos
PërgjigjuGjendet kollaj autori, prisni kush do e marre ate token aty dhe kapeni! Po sduan se e kane bere me qellim shteti, Ndryshe sdo ishte prish me detaje, as ushtria sdo e kishte prish kaq bukur, ato i kane montuar me qetesi cdo fitil E cdo cope tritoli, ku kane qene policia qe ska vene re levizje ne nje objekt buze deti qe sperdoret dhe qe ka prbleme me pronaret!! Ktu eshye meksike...
PërgjigjuUne mendoj se do gjendet brenda 1 jave, pa shkuar aq larg sa te bejne letrat e pronarit te ri. Sikurse e the dhe ti, gjithe ai tritol i vendosur nuk eshte bere ne moment, kane lene gjurme.