Shpërthimi me tritol i hotelit në Sarandë, policia: Asnjë i lënduar! Godina ishte ndërtuar prej vitit 1996! Ngrihet grupi hetimor për zbardhjen e ngjarjes

 

Policia ka reaguar për shpërthimin me tritol në hotel ‘Bizanti’ në Sarandë, ku është gritur grupi i posaçëm me ekspertë për zbardhjen e ngjarjes.

Njoftimi i policisë

Rreth orës 05:55, në lagjen nr.1, Sarandë, në  një hotel dy-katësh i ndërtuar që prej vitit 1996, në pronësi të shtetasve S. Ç., dhe E. Dh., ka shpërthyer një sasi lënde, e dyshuar eksplozive, ku si pasojë ndërtesa është rrëzuar dhe janë shkaktuar dëmtime të fasadave të objekteve në afërsi të objektit të rrëzuar.

Nga shpërthimi nuk ka asnjë person të lënduar. Shërbimet e policisë kanë shkuar menjëherë në vendngjarje dhe vijojnë kontrollet në zonë për kapjen e autorit/ve. Menjëherë është ngritur një grupi i posaçëm hetimor me ekspertë më të mirë të DVP Vlorë dhe nga Departamenti i Policisë Kriminale dhe nën drejtimin e Prokurorisë vijon puna për zbardhjen e ngjarjes.

Nga të dhënat paraprake rezulton se prej vitit 2002, dy bashkëpronarët janë në një proçes gjyqësor për pronësin e këtij hoteli.

Lajmi kryesor:

Terror në Sarandë/ I vihet bomba hotelit në shëtitore, rrafshohet godina! Disa të shoqëruar! Dëme në biznese e banesa! Ortakët në gjyq për pronësinë prej 2002 - VIDEO

A.M./r.k./Shqiptarja.com

TAG:
• Vangjel Shtuka
• dhimiter evangjeliu
• Spiro Çabiri
• tritol
• sarande
• Vlore
• tritol hotelit në Sarandë