Sardenja nën pushtetin e flakëve, Presidenti i Rajonit: Një dramë e përmasave të mëdha, shekuj të historisë mjedisore tashmë janë 'fshira'! Italia kërkon ndihmë nga BE

"Ajo që po shohim është një dramë e përmasave të mëdha. Hektarë të tërë janë shkrumbuar, shekuj të historisë mjedisore dhe peizazhe tashmë të 'fshira'", kështu e përshkroi Presidenti i Rajonit të Sardenjës, Christian Solinas, situatë e krijuar nga zjarret që kanë përfshirë provincën e Oristanos.

 "Nuk është ende e mundur të bëhet një vlerësim i saktë i dëmit. Unë do t'i kërkoj Draghit që një pjesë e fondit për projektin kombëtar të rimëkëmbjes të ndahet menjëherë në një projekt të madh ripyllëzimi që do të shërojë këto plagë të tmerrshme", shtoi ai.

Deri më tani 1500 njerëz janë zhvendosur dhe mbi 20 mijë hektarë tokë janë shkrumbuar nga flakët.

E ndodhur në një situatë tejet të vështirë, Italia aktivizoi Mekanizmin e Mbrojtjes Civile të BE-së dhe menjëherë  pas vendimit italian, Franca dhe Greqia kanë dërguar nga dy helikopterë secili për të ndihmuar në vënien nën kontroll të vatrave të zjarrit.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Armë për Ukrainën/ A mund të ndihmojë Ballkani Perëndimor?

Armë për Ukrainën/ A mund të ndihmojë Ballkani Perëndimor?