Kryetari i sapo zgjedhur i Parlamentit Evropian, David Sassoli do vizitojë Shqipërinë dhe Maqedoninë e Veriut . Kjo vizitë do të jetë vizita e tij e parë zyrtare. Vizita vjen vetëm pak kohë pas refuzimit të hapjes së negociatave të anëtarësimit të dy vendeve në Bashkimin Evropian.
Në Maqedoninë e Veriut vizita e Sassoslit do të bëhet të hënë dhe të martën e javës së ardhshme ndërsa Tiranën zyrtare, David Sassoli do ta vizitojë më 2-3 dhjetor.
Sassoli vjen me mesazh të qartë për Shqipërinë dhe Maqedoninë e Veriut ku thekson se të dy vendet nuk duhet të ndalen në përpjekjet e tyre në rrugën evropiane edhe pse nuk u hapën negociatat në Samitin e fundit të liderëve të Bashkimit Evropian.
Më pas Sassoli në fjalën e tij para vizitës në Maqedoninë e Veriut është shprehur se Shqipëria dhe fqinji i saj e meritonin plotësisht hapjen e negociatave por pavarësisht Franca vendosi veton.
Përpara vizitës në Shkup, Presidenti Sassoli deklaroi:
“Vizita në Maqedoninë e Veriut, dhe shumë shpejt në Shqipëri, ka një rëndësi më të lartë për mua personalisht në këtë moment. Ne e dimë që popullsia në të dy vendet është zhgënjyer shumë nga dështimi i Këshillit për të rënë dakord për hapjen e bisedimeve të pranimit për shkak të vetos së disa shteteve anëtare. Ne e kuptojmë dhe e ndajmë këtë zhgënjim. Shqipëria dhe Maqedonia e Veriut kanë zbatuar reformat që ne kërkuam prej tyre dhe tani meritojnë të shpërblehen për përpjekjet e tyre të jashtëzakonshme. Për më tepër, dua t'u bëj thirrje qytetarëve dhe veçanërisht brezit të ri: Mos hiqni shpresën, ju lutemi qëndroni në rrugën evropiane. Parlamenti Evropian qëndron me ju.
Me një shumicë të madhe votash, Parlamenti Evropian ka ritheksuar mbështetjen e tij të plotë për hapjen e negociatave të anëtarësimit me Maqedoninë e Veriut dhe Shqipërinë një javë më parë. Ne nuk do të heshtim por i nxisim shtetet e BE të marrin një vendim unanimisht në favor të bisedimeve të pranimit në takimin e ardhshëm.
Ndërkohë, ne i inkurajojmë të dy vendet të vazhdojnë në rrugët e tyre të reformës. Jemi të bindur që, përkundër shtyrjes, kjo kohë nuk harxhohet. Reformat e kryera në rrugën e anëtarësimit të plotë në BE janë në interesin më të mirë të vendeve dhe qytetarëve të tyre, dhe do të përfitojnë para së gjithash dhe brezin e ri që meriton një të ardhme më të mirë ” është shprehur Sassoli.
Gjatë vizitës së tij në Shkup, Presidenti Sassoli do të takohet me Kryeministrin e Maqedonisë së Veriut, z. Zoran Zaev si dhe Presidentin Stevo Pendarovski. Ai gjithashtu do të zhvillojë bisedime me drejtuesit e partive politike parlamentare, Kryetarin e Asamblesë së Maqedonisë së Veriut, Talat Xhaferi dhe do t’i drejtohet Parlamentit. Në fillim të vizitës së tij, ai do të hap Shtëpinë e Evropës në Delegacionin e BE-së në Republikën e Maqedonisë së Veriut dhe do t'i bashkohet një diskutimi me studentët.
Komente
Lajme të tjera
-
Greqia: Mbështetja jonë për anëtarësimin e Shqipërisë në BE është e kushtëzuar, ne jemi rregullatorët e shpejtësisë
18 Dhjetor, 16:17 -
Integrimi/ Nesër Konferenca e Tretë e ndërqeveritare me BE-në, Rama kryeson delegacionin në Bruksel
16 Dhjetor, 08:56 -
Mali i Zi dhe Shqipëria përpara, të tjerët mbeten të bllokuar
16 Dhjetor, 08:39
-
‘Asnjë hap pas!’ Meloni-Opozitës: Gjadri do funksionojë, edhe nëse fle atje çdo natë! Marrëveshja e emigrantëve, ‘tmerri' i trafikantëve (VIDEO)
15 Dhjetor, 17:18 -
Shorti i Botërorit/ Prodani në ‘Studio Live’: UEFA gaboi me shortin e Shqipërisë, s’duhet t’i kemi frikë! Serbia ‘armiku ynë’, shans për të bërë histori! Seitllari: Duka rrudhi buzët
13 Dhjetor, 20:30 -
Shqipëria dhe Kosova mbledhje të përbashkët Kuvendi, 130 deputetë më 20 dhjetor në Prishtinë! I pranishëm edhe Rama
13 Dhjetor, 19:34 -
Tentuan të djegin flamurin shqiptar, UEFA gjobit Serbinë me 200 mijë € dhe e dënon me 2 ndeshja pa tifozë në transfertë
13 Dhjetor, 17:32 -
Shaban Murati: Çfarë populli jemi?
12 Dhjetor, 16:07
-
Elezi në Report TV: Rusia qëllime për destabilitet nëpërmjet Serbisë! Vendimi për shtyrje i Kushtetueses në Maqedoni për Gjuhën Shqipe, i duhuri
11 Dhjetor, 19:56 -
Ambasadorja amerikane paralajmëron sërish zgjerimin e listës së zezë në Maqedoninë e Veriut
10 Dhjetor, 15:55 -
SHBA e shpalli ‘non grata’, reagon Artan Grubi: Jetën publike ia kam kushtuar vlerave perëndimore dhe vendit, angazhim për ta zbardhur çështjen
9 Dhjetor, 22:11 -
Ish-zëvendëskryeministri i Maqedonisë së Veriut, Artan Grubi, shpallet 'Non Grata" nga SHBA
9 Dhjetor, 20:52
Zotri, shqiptaret jane me shume se te zhgenjyer me klubin BE, pra te neveritur e tradhetuar. Paragjykimi e albanofobia jane te qarta, ndersa integrimi ne BE ka qene iluzion, nderkohe qe tani po shenderrohet ne tallje. Shqiperia duhet te ruaj marredhenjet me SHBA, me te tjeret duhet te ndertoje raporte pragmatiste sipas interesit te vet. Po na thoni te mos heqim dore nga enderra evropiane, qe te vazhdoje loja e felliqur me shqiptaret. Po u vazhdua me truke, shpejte ky popull kam frike se do ta urreje klubin e BE.
Përgjigju