POP 5

Lajmet më të lexuara të 5 minutave të fundit

Sociale

Sauku i Vjetër vetëm me 1 autobus, banorët 60 minuta në stacion, protestë përmes peticionit ”vrapo sikur të kapësh autobusin e fundit”

5000 banorët e Saukut të vjetër në Tiranë kanë në dispozicion vetëm një autobus i që nuk përballon dot fluksin. Report Tv ka përgatitur një material se çfarë ndodh në këtë zonë, ndërkohë që një grup të rinjsh përmes një peticioni i kërkojnë Bashkisë të shtojë numrin e autobusëve

“Unë po pres autobusin e Saukut të Vjetër dhe kam mbërritur në orën 10 pa pak dhe është ora 10:24 dhe mua më duhet të pres deri në orën 11 për të shkuar në Saukun e Vjetër”.

Aurela Kumanaku na tregon se si është dita e një banori nga Sauku i vjetër që është përdorues i transportit urban, ditë e cila nis dhe përfundon me të njëjtat strese , duke pritur urbanin. Nëse qoftë dhe për 1 sekondë të ikë autobusi i Saukut do të duhet të presësh 60 minuta.

‘‘Për 5000 banorë të Saukut në shërbim tè banorëve është vetëm 1 autobus. “

 Aurela Kumanaku ndan me ne këtë problematikë që e ka çuar së bashku me miqtë e saj të ndërmarrin nismën Vrapo sikur të kapësh autobusin e fundit të Saukut.

‘Autobusi vjen një herë në një orë dhe për çështje 1 minutë ti duhet të vraposh. Nuk është normale që të ketë vetëm një autobus. Para pandemisë kjo linjë ka funksionuar me 2 autobusë gjë që do të ishte normale”, tha ajo.

Xhevi Xhebrahimi është në gjimnazin “Ismail Qemali”. Ai tregon se ka humbur edhe ditën mësimit në shkollë vetëm prej vonesave të urbanit.

“Para dy ditësh u vonova në shkollë dhe mora 6 mungesa. Mua më fillon mësimi në 13:30 dhe do më duhet të nisem që në orën 11 e pak. Ndërkohë që autobusi është i tejmbushur”, thotë ai.

Të rinjtë kanë hartuar dhe një peticion online të cilin do ta dorëzojnë më 30 Shtator në bashki për të shtuar të paktën dhe një tjetër urban për linjën e Saukut të vjetër ashtu siç ishte para pandemisë.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ela: 26/09/2022 11:21

    Po nuk ka me keqe se te presesh cdo 30 minuta per autobuz,si per tek Tegu dhe Sauk te vjeter nje diskriminim i pa pare. Sauku eshte lagjja nr 1 e kryeqytetit, nuk eshte zone rurale,por Blendi Goxhe favorizon Tiranen e Re se e ka te veten plehra,dhe lali Eri sdo tja dije,vete e shtron rrugen Ndreko Rino sepse ka ndertuar Besua i Tajvanit aty dhe jo aty ku jetojne te thjeshtet

    Përgjigju
  • Konservatori: 26/09/2022 09:49

    Mire qe transport publik nuk ka por keta duan te heqin edhe monopatinat.

    Përgjigju
  • Tim.: 25/09/2022 23:20

    I ka bllokuar kolaudimi blendi gonxhes mbasi nuk plotesojne kushtet teknike per qarkullim.

    Përgjigju
  • Ben: 25/09/2022 22:34

    Lali Eri pra,thote se e ka bo Tironen Evrope.

    Përgjigju
  • Sauks i Vjeter: 25/09/2022 21:17

    Te gjitha linjat e Saukut…jane mizerabel… Bashkia nuk e konsideron ket zone si pjese e juridiksionit te saj…Ka 15 vjet qe ne keto linja operon nje kompani e vetme…Ku eshte konkurenca.. Sherbimi ndaj qytetarve ka mbetur si ne Afrike!!!!

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Putin: Ne duam t'i japim fund luftës, jo thjesht ta ngrijmë atë! Negociatat? Në Sllovaki

Putin: Ne duam t'i japim fund luftës, jo thjesht ta ngrijmë atë! Negociatat? Në Sllovaki

26 Dhjetor, 19:20