Kancelari gjerman, Olaf Scholz, ka thënë se i konsideron kontrollet kufitare me shtetet fqinje, si masë të arsyeshme për të kufizuar migrimin e parregullt në Gjermani.
“Në përgjithësi, ne synojmë t'i vazhdojmë kontrollet strikte në kufijtë gjermanë”, ka thënë Scholz në një intervistë të publikuar të premten në revistën rajonale, Saarbrücker Zeitung.
“Ne duam të kufizojmë migrimin e parregullt, siç e kam thënë më parë. Numrat duhet të zvogëlohen”.
Sipas tij, migrimi është i domosdoshëm për tregun gjerman të punës.
“Por, janë tepër shumë njerëz që vijnë te ne në mënyrë të parregullt, që pretendojnë se kërkojnë mbrojtje prej persekutimit, mirëpo nuk mund të ofrojnë asnjë arsye për azil dhe më pas refuzohen”, ka thënë Scholz.
Ai i ka përmendur edhe pikat aktuale të kontrollit, sikurse ato me kufirin francez gjatë kohës sa do të mbahen Lojërat Olimpike.
Kontrollet në ato pika do të vazhdojnë të kryhen deri më 30 shtator.
Sa u përket kontrolleve kufitare me Austrinë, Zvicrën, Republikën Çeke dhe Poloninë, ministrja e Brendshme gjermane, Nancy Faeser, ka urdhëruar rikthimin e kontrolleve fizike në tetor.
Qeveria gjermane ka thënë se ato kontrolle kufizojnë migrimin e parregullt dhe ndihmojnë në luftën kundër kontrabandimit me njerëz.
Ndonëse në vendet e Zonës Schengen nuk do të duhej të kishte kontrolle kufitare, shumë shtete kanë rikthyer kontrollet për shkak të migrimit dhe shqetësimeve tjera.
Sipas Policisë Federale të Gjermanisë, në periudhën 7 qershor – 19 korrik, janë regjsitruar 9.172 hyrje të paautorizuara në Gjermani dhe 6.401 prej këtyre njerëzve janë kthyer mbrapsht.
Në gjysmën e parë të këtij viti, për azil në Gjemani kanë aplikuar 121.416 njerëz, rreth 19 për qind më pak, sesa në periudhën e njëjtë të vitit të kaluar./ REL
Lajme të tjera
-
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
25 vjet Putin, nga miku në armik
25 Dhjetor, 12:41 -
Kur gjermanët nuk blejnë dot dhuratat e Krishtlindjeve
25 Dhjetor, 12:36 -
Kërcënimi nga Rusia/ Rilindje për 'Eurofighter', Evropa po blen avionë luftarakë miliarda dollarësh
24 Dhjetor, 22:05 -
Gjermani/ Sulmi terrorist nga mjeku në Magdeburg: Autori kishte lënë një testament në makinën e tij, zbulohet përmbajtja
24 Dhjetor, 21:39 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Enver Robelli: Urrejtësi i myslimanëve goditi me metoda të fanatikëve islamistë
24 Dhjetor, 09:35
-
Gjermani/ Pas ngjarjes në Magdeburg: Sulme ndaj migrantëve
24 Dhjetor, 08:44 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Ministri i Jashtëm i Jordanisë do të zhvillojë bisedime me liderin e ri të Sirisë
23 Dhjetor, 11:52 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
Mandarinat me pesticide, Ministria e Bujqësisë: Kemi bërë kallëzim penal për grumbulluesit! Gjobë e bllokim aktiviteti për shkelësit
23 Dhjetor, 08:46
