Scholz telefonon Putin: Të tërhiqen trupat sa më shpejt nga Ukraina! Të gjejmë një zgjidhje diplomatike

"Kancelari gjerman Olaf Scholz i kërkoi presidentit rus Vladimir Putin në një telefonatë të martën që të gjejë një zgjidhje diplomatike për konfliktin në Ukrainë bazuar në një armëpushim dhe tërheqjen e plotë të trupave ruse sa më shpejt të jetë e mundur", sipas Zëdhënësit të qeverisë gjermane Steffen Hebestreit

Në telefonatën që zgjati rreth  90 minuta, Scholz theksoi nevojën për të garantuar sigurinë e termocentralit bërthamor Zaporizhia në Ukrainë dhe i bëri thirrje Putinit që të vazhdojë të zbatojë plotësisht marrëveshjen e grurit të mbështetur nga Kombet e Bashkuara.

“Kancelari theksoi se çdo hap i mëtejshëm i aneksimit rus nuk do të mbetet pa përgjigje dhe nuk do të njihet në asnjë rrethanë”, tha Hebestreit në deklaratë, duke shtuar se Scholz dhe Putin ranë dakord të qëndronin në kontakt.

Lajmi kryesor:

Rimori disa qytete të pushtuara nga Rusia, Kievi bën thirrje për më shumë armë nga Perëndimi! Scholz telefonon Putin: Të tërhiqen trupat sa më shpejt nga Ukraina

S.C/Shqiptarja.com

TAG:
• Kharkiv
• rusia sulmon ukrainen
• lufta ne ukraine