Së afërmi ligj i ri për partneritetin publik-privat

/ATSH/- Një ligj i ri për partneritetin publik- privat pritet të diskutohet dhe miratohet së shpejti në Kuvend, pasi është hartuar nga Ministria e Zhvillimit Ekonomik, Turizmit, Sipërmarrjes dhe Tregtisë dhe synon shkurtimin e procedurave burokratike.
Ministri Arben Ahmetaj u shpreh pak ditë më parë, se "po bëjmë një ndryshim cilësor, pasi i gjithë komuniteti ndërkombëtar dhe komuniteti i biznesit kane qenë shumë te shqetësuar. Ne nuk do të pranojmë më oferta minimaliste, gjë që krijon monopol dhe nuk sjell inovacion".
Përmes p/ligjit për partneritetin publik-privat, synohet shkurtimi i afateve të procedurave, cka ka krijuar burokraci të tepërta, me të cilët përballen investitorët.
"Ne po shkurtojmë afatet e procedurave në ditë, nga 272 ditë në 140 ditë për procedurat e koncesionit apo partneritetit publik- privat", është shprehur ministri Ahmetaj.
Përmrësimet e këtij ligji pritet të ndikojnë në përmirësimin e klimës së biznesit në Shqipëri. Me shqyrtimin e kërkesave për investime përmes koncensioneve dhe partneritetit pulbik dhe privat, do të merret një komision, me përbërje grup ekspertësh si, juriste, ekonomiset, profesion teknik dhe profesione nga fusha të tjera përkatëse, në varësi të objektit dhe karakteristikave të fushës ku do të investohet. Komisioni identifikon projektet e kërkuara dhe të pakërkuara, harton studimin e fizibilitetit, përcakton procedurën e zbatueshme, harton dokumentacionin e tenderit dhe shqyrton dhe vlerëson ofertat e pranuara dhe kërkesat për pjesëmarrje të dorëzuara.
Ndryshimet në ligjin për partneritetin publik -privat synojnë shkurtimin e procedurave burokratike dhe afateve kohore, me synim, përshpejtimin e plotësimit të kërkesave nga investitorë të ndryshëm, që dëshirojnë të investojnë përmes bashkëpunimit me shtetin me shërbime si, policia, ushtria, rrugët publike, transporti publik, arsimi, kujdesi shëndetësor për të varfërit, etj