SHBA - Seattle Seahawks fituan Super Bowl pasi mposhtën New England Patriots me rezultatin 29-13 në ndeshjen e fundit të futbollit amerikan në stadiumin 'Levi's' në Santa Clara të Californisë. Ky ishte edicioni i 60-të jubilar i Super Bowl dhe në të njëjtën kohë një riprodhim i finales së vitit 2015, kur Patriots festuan mes dramës, kështu që kjo ishte një 'hakmarrje' nga Seahawks.

Pjesa e parë pati një betejë llogoresh në të cilën dominoi mbrojtja, kështu që nuk pati gola. Vetëm në fund të çerekut të tretë pamë touchdownin e parë të ndeshjes, kur Darnold u tërhoq dhe hodhi në të djathtë për AJ Barner, i cili kapi topin për epërsinë e Seattelit me rezultatin 19-0.

Rolin kyç në sulmin e Seattelit e luajti vrapuesi Kenneth Walker III, i cili i vetëm fitoi më shumë jardë se i gjithë sulmi i Patriots dhe kjo i dha atij titullin e lojtarit më të vlefshëm të ndeshjes (MVP).

Shfaqja tradicionale e pjesës së parë të Super Bowl u mbajt gjatë pushimit dhe ylli ishte Bad Bunny, emri i vërtetë i të cilit është Benito Antonio Martinez Ocasio. Ai u shoqërua në skenë nga Lady Gaga.

Shifrat për rekord

Bileta më e lirë për tifozët kushtoi 4,400 dollarë, ndërsa interesi i publikut mbetet sërish i jashtëzakonshëm. Ndeshja u ndoq nga 129 milionë shikues në SHBA.

Eventi shënon shifra marramendëse edhe në aspektin ekonomik. Një spot reklamues prej 30 sekondash u shit për rreth 8 milionë dollarë, ndërsa sipas shoqatës së lojërave të fatit, bastet arrijnë vlerën e 1.7 miliardë dollarëve.