Sejko: Ligj i posaçëm për mbrojtjen e konsumatorit në mikrofinancë

Foto: Gent Sejko gjate raportimit ne Komisioni e Ekonomise, 21 maj 2024

Banka e Shqipërisë propozon që të bëhet një ligj për mbrojtjen e konsumatorit si dhe të shikohet ligji i përmbaruesve gjyqësor.  Në Komisionin e Ekonomisë Sejko tha se Banka e Shqipërisë po diskuton me Bankën Botërore për të ndërtuar një ligji të posaçëm për mbrojtjen e konsumatorit në veprimtarinë e subjekteve financiare jobanka.

“Konkretisht, ne gjykojmë se është e nevojshme të bëhen ndryshime në:

Kodin e Procedurës Civile për rregullimin e të gjitha veprimeve me karakter procedural të përmbaruesve gjyqësorë gjatë ekzekutimit të titujve ekzekutivë;

Hartimin, në bashkëpunim me Bankën Botërore, të një Ligji të posaçëm për mbrojtjen e konsumatorit në veprimtarinë e subjekteve financiare jobanka;

LEXO EDHE:
Banka e Shqipërisë firmos aplikimin zyrtar për anëtarësimin e Shqipërisë në SEPA

Përkthimin në ligje të ndryshimeve rregullative të ndërmarra nga Banka e Shqipërisë, mbi vendosjen e tavaneve për penalitetet dhe normat e interesit;

Shndërrimin e të gjitha subjekteve financiare jobanka në shoqëri aksionare, me qëllim rritjen e kontrollit të brendshëm dhe organizimin e drejtimit me 2 nivele;

Regjistrimin kontabël vetëm të principalit dhe interesit në rastin e blerjes së portofoleve, të paktën deri në përcaktimin e tavaneve ligjore për normat e intereresit,” tha Guvernatori.

Lajmi kryesor:

Mashtrimet me kreditë nga MCA, Sejko shpjegime tek Ekonomia: S'kam dijeni për hetime, revokimi i licencës nuk çliron qytetarët nga kredia e papaguar

S.G/Shqiptarja.com

TAG:
• gent sejko
• Micro Credit Albania